Ponekogaš muzikata ne e samo zbir na noti, tuku posebno čuvstvo, terapija za dušata i sloboda pretočena vo zvuk. Tokmu takvo, retko i moḱno doživuvanje nè očekuva na 3 noemvri 2026 godina, koga kultnata belgradska „mts Dvorana“ ḱe stane epicentar na eden poinakov, iskren rok-spektakl.
Makedonskiot bas-virtuoz, multiinstrumentalist i umetnik so retka senzibilnost, Ivan Kukiḱ, zaedno so svojot bend „Sound Therapy“, doagja da go pretstavi svojot dolgoočekuvan avtorski album „Začarani krug“.
Regionalnata kulturna javnost veḱe so denovi so vozbuda zboruva za ovoj nastan. Od vlijatelnite mediumi kako Euronews Srbija i Nova.rs, pa sè do andergraund rok-portalite kako Balkanrock, najavite se ednoglasni: Belgrad ḱe bide svedok na koncert koj e mnogu poveḱe od obična promocija. Ova e patuvanje niz žanrovite kade rokot, džez-fuzijata i balkanskiot melos se spojuvaat vo sovršena bura.
Koga generaciite zboruvaat na istiot jazik: Dado Topiḱ i „Kalem“
Deka Ivan Kukiḱ uživa ogromna počit i ljubov kaj svoite kolegi vo regionot, dokažuva i izborot na gosti koi ḱe zastanat so nego pod reflektorite. Na scenata ḱe se sluči vistinski generaciski spoj na mladost i iskustvo, pa taka na Ivan ḱe mu se pridruži legendarniot hrvatski roker Dado Topiḱ. Nivnata zaednička izvedba na antologiskite „Makedonija“ i „Eleno ḱerko“ vetuva mornici kaj publikata. Kontrast na rok-energijata ḱe donese prefinetiot srpski duo-sostav „Kalem“, koj so svojata tradicionalna emocija sovršeno go nadopolnuva umetničkiot mozaik na Kukiḱ.
Vleznicite se veḱe vo prodažba na biletarnicata na „mts Dvorana“, a Belgrad so netrpenie go čeka momentot koga basot na Ivan ḱe počne da go diktira pulsot na gradot.
ZA UMETNIKOT: Čovekot koj mu dade nova duša na basot
Ivan Kukiḱ ne e samo muzičar, toj e umetnik koj so svojot instrument raskažuva prikazni. Roden vo Strumica vo semejstvo kade muzikata bila prviot jazik, toj izrasna vo vistinski multiinstrumentalist koj so ednakva lesnotija vladee so kontrabasot, pijanoto, gitarata i tapanite. No, negovata najgolema ljubov i oružje so koe ja osvojuva scenata e bas-gitarata.
Svoeto znaenje go rafiniraše na studiite po muzička produkcija vo Belgrad, gradejḱi go svojot unikaten, prepoznatliv izraz.
Sedum godini pokraj Vlatko Stefanovski: Zad Ivan stoi iskustvo kakvo što malkumina mladi rokeri možat da zamislat.
Poveḱe od sedum godini toj e ritamot na trioto na kultniot Vlatko Stefanovski. Svirejḱi na stotici svetski sceni ramo do ramo so gitarskiot mag, Ivan se kaleše vo vrven artist koj ne samo što go sledi ritamot, tuku i samiot go kreira.
Negovata „Sound Therapy“: Proektot „Ivan Kukiḱ & Sound Therapy“ e negovoto lično begstvo od klišeata. Niz nego, Ivan ja pokažuva svojata slobodoumna umetnička priroda, spojuvajḱi ja sirovata rok energija so kompleksni džez strukturi i makedonski kodovi. Negoviot album „Začarani krug“ e tokmu toa – umetnički manifest na eden vistinski roker na novoto vreme.
Biba KRNČESKA
