Ima li poubavo mesto od Pariz za da se proslavat 25 godini zaednički život, poddrška i bezrezervna ljubov? Poznatata folk pejačka Silvana Krstovska, zaedno so svojot soprug Igi, go odbraa tokmu „gradot na svetlinata“ za da go odbeležat svojot srebren jubilej, pretvorajḱi go ovoj prestoj vo nezaboravna esenska razglednica.
Iako patuvanjeto docni poradi bolnata zaguba na nejzinata majka — rana od koja Silvana sè ušte zakrepnuva — Pariz dojde vo vistinskiot moment kako melem za dušata. Ovoj izbor na esenski prestoj se pokaža kako vistinski pogodok. Gradot vo ovoj period od godinata nudi posebna nostalgična ubavina, kade zlatnite lisja i prijatniot esenski ambient sozdavaat sovršena scenografija za nov početok i slavenje na životot.
„Pariz e volšeben. Mirisa na spokoj, na sreḱa, na romantika, na ljubov, na soništa. Očekuvav deka ḱe mi se dopadne, ama ne očekuvav deka ḱe me magjepsa. Prosto se vljubiv vo Pariz“,emotivno spodeli Silvana, ispraḱajḱi topli pozdravi od srceto na Francija.
Parot maksimalno uživa vo sekoj mig od ednonedelniot prestoj, iako priznavaat deka vremeto leta prebrzo za da se vidi sè što nudi ovaa svetska metropola.
Nivnata pariska avantura započna so prošetka po kultniot Šanzelize, kade gi razgledaa izlozite na prestižnite modni kuḱi kako Dior i Louis Vuitton, a neizbežen del bea i posetite na grandioznata Triumfalna kapija i veličestvenata Ajfelova kula.
Socijalnite mreži na pejačkata veḱe „gorat“ od videa i prekrasni kadri, a taa niz nasmevka otkriva deka imaat napraveno nad 1000 fotografii. Sledniot den e rezerviran za umetničkiot duh na Monmartr, po što Silvana vetuva kompletna galerija od nivnoto romantično begstvo.
Po 25 godini brak i poveḱe od dve decenii pominati zaedno, Silvana i Igi dokažuvaat deka vistinskata ljubov so tekot na vremeto stanuva samo posilna, a Pariz zasekogaš ḱe ostane vrežan vo nivnite srca kako gradot kade nivnata srebrena prikazna go dobi svojot najbleskav sjaj.
Biba KRNČESKA
