Legendarnata hrvatska pejačka Tereza Kesovija (87) otkri deka ima silna želba da održi nekolku koncerti so koi bi se prostila od svojata publika, dokolku zdravstvenata sostojba ì go dozvoli toa. Iako vo poslednite godini se soočuva so seriozni zdravstveni problemi, veli deka glasot sè ušte dobro ja služi i deka želbata za peenje ne ja napušta.
Problemite so kolenata i ’rbetot sekojdnevno ì sozdavaat poteškotii, no, kako što veli, toa ne ja obeshrabruva celosno. „Boli ’rbetot, bolat i kolenata, sè e toa povrzano, no sè ušte možam da peam. Sakam od publikata da se zboguvam so pesna. Ḱe vidime kako ḱe bide, se nadevam deka ḱe soberam sila. Ako treba, ḱe peam so pomoš na stap ili sedejḱi na stol na scenata – ne e važno“, izjavi Kesovija.
Vo poslednite nekolku godini pejačkata pomina niz seriozni zdravstveni iskušenija. Neposredno pred svojot 86. rodenden taa doživea pad, po što završi vo bolnica, a edna godina prethodno otkri deka preživeala i srcev udar.
Zad sebe Tereza Kesovija ima impresivna i bogata kariera. Snimila poveḱe od 30 LP-ploči, nad 70 singlovi i poveḱe od 20 CD-albumi, kako i golem broj pesni koi nikogaš ne bile oficijalno objaveni. Nejziniot repertoar opfaḱa pesni na poveḱe jazici – pokraj hrvatskiot, peela i na slovenečki, italijanski, francuski, ruski, angliski, germanski, španski, portugalski, pa duri i na makedonski jazik.
Nejzinoto detstvo bilo obeležano so dlaboka lična tragedija. Samo nekolku dena po nejzinoto ragjanje, Tereza ja zagubila majka si. „Taa počina dva dena po moeto ragjanje. Dolgo vreme imav čuvstvo na vina, kako jas da sum vinovna za nejzinata smrt. Taa misla me progonuvaše“, raskaža pejačkata vo intervju za „Večernji list“.
Ušte kako dete, tatko ì ja odnel na selskite grobišta vo Lovorno, kade za prvpat doznala kade počiva nejzinata majka. „Go vidov tatko mi kako kleči i plače – nešto što nikogaš prethodno ne sum go videla. Togaš mi kaža deka tamu leži mojata majka, negovata golema ljubov. Duri podocna doznav deka ženata so koja živeevme bila mojata maḱea“, raskažala Kesovija.
I pokraj fizičkite poteškotii, zdravstvenite problemi ne ja gasnat emocijata. Po operaciite na kolenoto i problemite so ’rbetot, nastapite za nea pretstavuvaat fizički napor, no povrzanosta so publikata ostanuva posilna od sè. „Odamna sum vo penzija i ne e lesno, no glasot sè ušte me služi. Moram da vnimavam i ponekogaš da sednam, no za publikata najvažno e da me slušne, a jas toa sè ušte možam“, izjavi Tereza dodavajḱi deka tokmu peenjeto ì doagja najlesno.
Kesovija najavi deka bi nastapila vo Cankareviot dom vo Ljubljana, vo Koncertnata sala „Vatroslav Lisinski“ vo Zagreb i vo Teatarot „Marin Držiḱ“ vo Dubrovnik. Taa veli deka so netrpenie gi očekuva ovie momenti na scenata, svesna deka sekoja pesna ḱe bide ne samo muzika, tuku iskren, emotiven pozdrav – ispolnet so blagodarnost, spomeni i onaa večna ubavina što ja nosi na scenata so decenii.
Bina KRNČESKA
