Toj e vreden posveten i sekogaš pozitiven. Poznat po harmonikata ama i po “Pauzata za rakija”, negoviot muzički proekt što od Igor Dimovski napravi mega popularen muzičar, a toj ja iskoristi šansata, pa od proektot sozdade svoj bend, istoimeno go naslovi i započna da hara po državata, regionot, Evropa i Avstralija, pravejќi dar-mar na svoite muzički nastapi. Publikata posle “Pauzata za rakija” e bukvalno ošamutena od dobroto raspoloženie pa bara povtorno “pauza za rakija”, a Igor se čini deka e neumoren so svojata energija i bukvalno uspeva da gi pokrie site angažmani so maksimalno 100% sebe-davanje. Osven negovite popularno narečeni tezgi, toj se znaimava i so edukacija, vodi leten kamp na koj strancite ja izučuvaat našata muzika, komponira, sviri, nastapuva, no i gi saka lugjeto. Za site ima ubav zbor, nasmevka, pokana, pesna…Ednostavno čovek so široko srce i muzičar so umetnička srdečna duša. Povodot za razgovorot so nego vsušnost e najaveniot gala- solistički koncert na negoviot Orkestar “Pauza za Rakjja” na glavniot Ohridski ploštad “Sv, Kliment Ohridski” na 7mi Avgust, koga publikata i gostite turisti vo ubaviot Ohrid ќe uživaat besplatno vo muzičkata fešta koja ќe započne od 21 časot. Bi rekle odličen poteg na Opština Ohrid no i spremno prifaten predizvik. Tokmu za seto ona što e aktuelno kaj nego go prašavme lično Igor, a toj vo svoj stil ekspeditivno ni odgovori…
Izminatiot period te gledavme preku društvenite mreži deka si silno angažiran okolu strancite koi ja izučvaat našata muzika. Za kakov tip na kamp ili seminar stanuva zbor, kako e osmislen i od kade se imaše studenti?
-“Village Harmony” e internacionalen hor so sedište vo Soedinetite Amerikanski Državi, koj što soedinuva členovi od celiot svet, tie ovaa godina dojdoa vo Makedonija i imavme raboten kamp od 13 dena, a za toj period naučija 25
kompozicii i održavme tri koncerti od koi dva bea vo Ohrid i eden vo Skopje. Imavme studenti od Amerika, Anglija, Taiwan, Cuba i drugi državi.
So ogled na toa deka si eden od najangažiranite muzičari i momentalno uživaš golema popularnost so svojot bend “Pauza za rakija”, kako uspea da ja usoglasiš agendata pokraj nastapite da vodiš i kamp za obuka i da si maksimalno posveten na stranskite učenici, odnosno kolku toj angažman e isplatliv koga tezgata ja zameni so edukacijata?
-Vo tekot na mojot Kamp imav tri nastapi, a preku den rabotev so svoite studenti, dodeka vo večernite časovi nastapuvav. Jas nikogaš ne pravam kalkulacii kade i što bi bilo poisplatlivo, ednostavno go rabotam ona što go sakam, a se ostanoto ostavam da dojde samo po sebe… Internacionalniot kamp i rabota so studenti od celiot svet e nešto porazlično od moeto sekojdnevie i za mene e golem predizvik.
Zarazno si optimističen, pa logično e da prašam od kade ja crpiš silata i elenot za site angažmani vo koi sekako spagja i kultniot proekt “Pauza za rakija”, koj neodamna go ponudi i četvrtoto prodolženie?
-Da se raboti ovaa profesija mora da se bide pred se iskren čovek i da veruvate dlaboko vo toa što go rabotite. Sekako ovaa profesija ne e ni najmalku lesna, no ete jas i moite členovi od “Pauza za Rakija” sme kako edna familija, edostavno
uživame vo toa što go rabotime i živeeme za momentot da nastapime, a seto toa veruvam zrači pred publikata.
Kakov e priemot od publikata na četvrtoto prodolženie na “Pauza za rakija”, so ogled na toa što beše malku porazlično osmislen pa imaše i filmska prikazna, i dali možebi se razmisluva za petto prodolženie?
-Zadovolen sum od priemot na na publikata na noviot serial “Pauza za Rakija”, iako e porazličen i sodrži porazlična struktura i zamisla od prethodnite. Sekako muzikata e živa materija, ne nekogo ќe mu se dopadne, a na nekogo ne, publikata go ima sekogaš krajniot zbor, a nie kako izveduvači morame da go počituvame toa i budno da go sledime našiot auditorium.
Često so tvojot bend ste pokaneti na gradskite fešti, a tokmu takva fešta se sprema vo Ohrid, za 7mi Avgust na gradskiot ploštad, pod otvoreno nebo. Tokmu togaš e zakažan vašiot koncert, koj ќe može da go prosledat besplatno site prisutni turisti vo Ohrid i vo živo da uživaat vo virtuoznosta na Igor Dimovski i negoviot bend “Pauza za rakija”. Dali e ova vaš solistički koncert i kako dojde do ovaa sorabotka so Opština Ohrid?
-Da, pred dve nedeli nastapivme na Ohridskiot Wine Fest kade istiot den beše proglasen so rekordna posetenost na publika od 4000/5000 lugje i mnogu sum sreќen poradi toa.
Na 07.08.2025 jas i “Pauza za rakija” imame samostoen koncert
na centralniot ploštadot Sv. Kliment Ohridski, vlezot ќe bide sloboden i site gragjani se dobrodojdeni. Blagodarnost do Opština Ohrid i ušte nekolku privatni kompanii koi go ovozmožija ovoj koncert.
Dali ќe ni otkrieš nekoi poedinosti za koncertot, odnosno za negovata koncepcija, gostite i repertoarot i kako tečat podgotovkite okolu ovoj golem koncerten nastan?
-Ova e moj solistički koncert zaedno so mojot Orkestar “Pauza za rakija”, nema da imame gosti, nastapot ќe bide celovečeren i ќe se izveduvaat pesni od proektite “Pauza za rakija”, kako i ostanati drugi pesni.
Na krajot ќe gi pokanime site prisutni vo Ohrid no i site ljubiteli na makedonskata pesna na 7mi Avgust da go zazemat svoeto mesto na Ohridskiot Ploštad i da uživaat vo živata svirka so temperamentniot frontmen od “Pauza za rakija” zosto vetuva koncert za pametenje…
Biba KRNČESKA
