Vistinska fešta i muzička atrakcija vo regionot e “Dragačevskiot sabor na trubači vo Guča” – Srbija, festival što ima poveќe deceniska tradicija i silno renome. Posetitelite od ovoj muzički nastan sekogaš se vraќale so silni impresii, a za doživuvanjata od Guča se raskažuvalo so meseci. Velat deka tamu zabavata trae deno-noќno skro cela nedela i deka ednostavno ne se spie, tuku samo se igra i lumpuva. Sepak, za avtoritetot na Guča najzaslužni se trubačite, odnosno talentiranite muzičari od site strani na regionot koi so svoite orkestri i so solo nastapite sekoja godina ja oduševuvaat publikata vo Guča koja pristignuva za ovoj nastan od site kraišta na svetot.
Godinava naši pretstavnici od Makedonija na 63-ot “Sabor trubača vo Guča” bea igraorcite od KUD “SV.SAVA” od Tetovo i folk pejačkata Leni Partikova. Nejziniot nastap vo Guča predizvika vnimanie od pričina što retko se slučuva naši estradni ličnosti da se pojavat kako gosti vo oficijalnata programa na festivalot i toa dopolnitelno intrigiraše za da čueme kakvi se vpečatocite na Partikova, koja ni otkri deka mostot za nejzinata sorabotka so igraornite društva, vsušnost e nejziniot soprug Žarko Gjorgjeski, koj dolgi godini bil i samiot igraorec i kooregraf, pa so izrazit sens ja fuziral nejzinata interpretacija na makedonskata izvorna pesna so izvedbata na makedonskite ora, što kulturno- umetničkite društva gi neguvaat i so koi ja pretstavuvaa Makedonija nasekade niz svetot:
– Ja imav česta da bidam učesnik vo zaedničkiot koncert so prekrasnite igraoorki od KUD “SV.SAVA” na “Dragačevskiot Sabor na Trubači vo Guča”, kade se predstavivme so izvedba na dve makedonski koreografii i dve preubavi makedonski narodni pesni od mojot album “Korenite Makedonski da ne se zaboravat”, a toa bea obnarodenite “Oj Vardare Makedonski” i “Snošti sakav da ti dojdam”, koi iljadnata publika od cel svet gi peeše vo eden glas so mene. Neverojatno ubavo iskustvo koe ne se opišuva so zborovi tuku samo treba da se doživee. Veselata i razdragana publika so iskreni ovacii pobara da go prodolžime nastapot so dopolniteleni pesni i ora i toa za mene beše edna golema čest.
Nastapivme na 3-ti Avgust, vo pladnevnata programa koja beše ispolneta so raznovidni točki na igraorni društva, na Trubački vrvni orkestri i nivnata prepoznatliva Drgačevska svadba, koja e nalik na našata “Galička”. Bi rekla deka iako sme različni narodi sepak imame slična tradicija i adeti koi so vekovi gi neguvame.
Ednostavno imavme privilegija 4 dena da uživame vo Guča, vo preubavoto planinsko mesto so prekrasni pejsaži i priroda, so prekrasni domaḱini, kade imaše turisti od cel svet, reka od narod, prepolni restorani so trubački orkestri, kade dušata ti se veseli i igra, a masite se polni so tradicionalnite pečenja od prasinja i jagninja, pa se do poznatoto Zajačarsko pivo so koe se gaseše žedta.
Celata atmosvera beše so poseben energetski naboj. Zadovolni i sreḱni turisti nasekade, tradicionalni nosii, suveniri, tradicionalni jadenja, domašni rakii od dunja i sliva vo izobilie…
Inaku festivalot se odvivaše na dve sceni na koi imaše različni celodnevni programi, a nie kako što spomenav bevme učesnici vo pladnevniot program. Ne počestija za učesvoto i so edna preubava Darovnica za spomen na koja sme im blagodarni. Golemoto defile na site učesnici isto taka beše posebno doživuvanje kade možea da se vidat mnogu veseli i radosni lica koi bea snimani i so golemite aplauzi prečekuvani. Preku 50 televizii od Srbija i mnogu drugi zemji go prenesuvaa ovoj spektakl, za sekoj da može barem del da doživee od atmosferata. Golemata scena na stadionot beše ogromna i bleskava kako što i dolikuva za eden vakov nastan, na koj učestvuvaa vrvni trubački orkestri i peači kako sto e na primer edna Snežana Gjurišiќ. Iljadnata publika se veseleše i uživaše, a ogromniot ognomet vo čest na pobednicite beše triumfalnata kruna na krajot, zaedno so pesnata koja se peeše vo čest na pobedat na svetskiot teniser Novak Džokoviḱ, koj na Srbija i donese zlato.
Nagradata za najdobar Trubački orkestar ja dobi Orkestarot na Vladimir Ivanoviќ, a nagradata za najdobar trubač otide vo racete na Mihajlo Zeќiroviќ od Orkestarot na Isidora Zeќiroviќ. Na krajot bi im preporačala na site čitateli na “Svet-Australia” dokolku imaat možnost obavezno da odat i da go poseti ovoj spektakularen festival vo Guča, kako bi ja doživeale posebnata atmosvera na svoj način – iskreno preporača Leni Partikova, koja najavi deka video materijalot od koncertot ḱe bide emituvan naskoro na našite mediumi vo poveke emisii, a za toa golema blagodarnost upati do Simeon i Verica Serafimoski i sekako do organizaciskiot tim na KUD “SV.SAVA” od Tetovo.
Biba KRNČESKA
