So dlaboka počit i taga, so denešniot posleden pozdrav ja ispraḱame Kostadinka Gjorgjioska Palazova, edna od najznačajnite i najavtentični čuvari na makedonskata izvorna narodna pesna. Na 87-godišna vozrast, po kratko boleduvanje, Kostadinka Palazova počina vo Gostivar, gradot vo koj živeeše dolgi godini. Žalnata vest ja soopšti nejzinoto semejstvo, potvrduvajḱi deka taa počinala sinoḱa, na 28 januari 2026 godina.
Na makedonskata muzička javnost Palazova ì beše poznata kako doajen na makedonskata narodna pesna, so osobeno silen i traen beleg preku egejskiot muzički izraz.
Vo svojata bogata i plodna kariera sorabotuvala so brojni renomirani kompozitori i produkciski kuḱi, ostavajḱi zad sebe nad trista snimeni narodni pesni, koi denes pretstavuvaat vistinska muzička riznica.
Rodena e vo 1939 godina vo kukuškoto selo Sehovo. Kako žrtva na egzodusot na Makedoncite od Grcija, nejziniot životen pat vodel preku Gevgelija i Vojvodina, za podocna da se vrati vo Vardarska Makedonija i da se naseli vo gostivarskoto selo Zubovce, a potoa i vo samiot Gostivar.
Rabotniot vek go pominala kako prosveten rabotnik, a rečisi edna decenija živeela i rabotela i vo Švajcarija.
Muzičkata kariera ja započnala vo emisijata „Vie pred mikrofon“, kade so izvedbata na pesnata „Vrni se, vrni, libe Mariče“ ja osvoila publikata i pobedata. Od 1960-tite godini aktivno nastapuvala i snimala, peejḱi ramo do ramo so velikanite na makedonskiot folklor – Vaska Ilieva, Esma Redžepova i Kočo Petrovski. Osobeno e zapametena kako čuvar na bezvremenite egejski pesni, megju koi i „Snošti otideh džanam“.
Za svojot isklučitelen pridones, ja dobi nagradata za životno delo na festivalot „Rosa“, po povod 50 godini muzičko tvoreštvo. Vo 2016 godina, vo Gostivar, vo nejzina čest beše organiziran golem veligdenski koncert – simbolično priznanie za nejzinoto mesto vo makedonskata kulturna istorija.
So nejzinoto zaminuvanje, makedonskata kultura izgubi golem umetnik, a narodnata pesna – eden od svoite najverni čuvari. Neka ì e večna slava i spomen.
Biba KRNČESKA
