Eden od najglamuroznite i najvlijatelni pop-rok bendovi od 80-tite godini, Duran Duran, povtorno ḱe nastapi vo Makedonija. Vo organizacija na Avalon Production, legendarnata britanska grupa ḱe održi koncert na 2 juli vo arenata “Boris Trajkovski” vo Skopje, kako del od nivnata evropska turneja.
Vesta za doagjanjeto na bendot najprvo beše spodelena preku nivnite socijalni mreži, kade što beše potvrdeno deka Makedonija se naogja na listata na koncertni destinacii. Podocna, organizatorot „Avalon“ oficijalno go objavi i točniot datum na nastapot, što predizvika golem interes kaj domašnata publika.
Ova ḱe bide vtor koncert na bendot vo Skopje, po nastapot održan na 7 juli 2012 godina, koj isto taka beše vo organizacija na „Avalon“.
Vo megjuvreme beše najaven i golem koncert vo 2020 godina, planiran kako open-air nastan, no poradi pandemijata ne se realiziraše.
Formiran vo 1978 godina vo Birmingham od klavijaturistot Nick Rhodes i basistot John Taylor, bendot brzo se izdvoi kako eden od najprepoznatlivite pretstavnici na dviženjeto „New Romantic“. Vo sostavot podocna se priklučija i tapanarot Roger Taylor, gitaristot Andy Taylor i vokalistot Simon Le Bon.
Vo tekot na 80-tite godini, Duran Duran ne bea samo muzički fenomen, tuku i vistinska modna i pop-kulturna senzacija. Nivniot stil, videospotovi i imidž ja definiraa estetikata na dekadata, a členovite na bendot bea smetani za edni od najgolemite muzički ikoni na vremeto. Osobeno vnimanie privlekuvaše basistot John Taylor, koj vo toj period važeše za eden od najatraktivnite i najpopularni muzičari na svetskata scena, so ogromna armija obožavatelki.
Bendot stana globalno popularen so niza hitovi koi i denes se smetaat za klasika, megju koi Rio, Girls on Film, Ordinary World, Come Undone i The Wild Boys.
Vo periodot na najgolemata slava členovite paralelno rabotea i na sopstveni muzički proekti – Simon Le Bon i Nick Rhodes so Arcadia, a Andy Taylor i John Taylor so The Power Station. Originalnata postava povtorno se obedini vo 2004 godina koga go izdade albumot Astronaut.
Spored podatocite na Billboard, grupata ima prodadeno poveḱe od 100 milioni nosači na zvuk niz svetot. Vo tekot na dolgata kariera osvoija dve Brit Awards i dve Grammy Awards, kako i nagrada za životno delo od MTV. Vo 2022 godina bea primeni i vo prestižnata Rock and Roll Hall of Fame, a nivnoto vlijanie e ovekovečeno i so dzvezda na Hollywood Walk of Fame.
Od Avalon Production informiraat deka interesot za koncertot e isklučitelno golem, a prodažbata na vleznici se odviva so zabrzano tempo.
Biletite se dostapni onlajn preku avalonbooking.mk i vo prodažnata mreža na karti.com.mk niz Makedonija. Organizatorite najavuvaat deka nastapot na Duran Duran na 2 juli vo arenata „Boris Trajkovski“ ḱe bide eden od najgolemite rok i pop nastani ovaa godina vo Makedonija, so bend koj i po poveḱe od četiri decenii na scena prodolžuva da ja vooduševuva publikata širum svetot.
Biba KRNČESKA
