Legendarnata makedonska pop-rok grupa „Memorija“ po dosega najgolemiot makedonski koncerten spektakl vo arenata „Boris Trajkovski“ minatata godina, reši so dvojno iznenaduvanje da gi počesti svoite najverni fanovi pred da ja zaokruži 2025 godina.
Imeno, po veḱe najaveniot koncert na 25. dekemvri vo 20 časot vo MKC – Skopje, mestoto kade što vo dalečnata 1984 godina se’ započna, „Memorija“ so gordost ja najavuva i svojata Izložba na fotografii ( 1983-2025), koja pretstavuva vizuelno patuvanje niz poveḱe od četiri decenii muzička istorija.
Na izložbata ḱe bidat pretstaveni fotografii od site členovi na bendot, momenti od nivnite koncerti, nastapi, probi i nezaboravni sceni od nivniot tvorečki pat – od dalečnata 1983 godina, pa sè do denes. Sekoja fotografija nosi svoja prikazna, emocija i svedoštvo za vremeto vo koe nastanala, za publikata, scenata i duhot što go odbeležuvaše i sè ušte go odbeležuva bendot.
Izložbenata postavka e posveta na muzikata, prijatelstvoto, istrajnosta i ljubovta kon scenata, no i blagodarnost do site generacii publika koi bea i se del od ova patuvanje.
Izložbata ḱe bide svečeno otvorena na 22-ri dekemvri, ponedelnik vo 12.30 časot vo MKC, vednaš po PRESS konferencija na grupata na koja ḱe bidat obelodeneti site detali i poedinosti za istata kako i za pretstojniot koncert zakažan nekolku dena podocna, vo četvrtok, na 25.dekemvri vo 20 časot.
Na PRESS-ot i otvoranjeto na izložbata ḱe prisustvuvaat členovite od različni postavi na bendot vo različni periodi na postoenjeto na „Memorija“, koi ḱe rotiraat i na scenata vo MKC na pretstojniot „All stars“ koncert na koj e zamislen kako eden vid muzički vremeplov preku koj „Memorija“ ḱe ja prošeta publikata niz godinite, svojot repertoar na najpoznati hitovi, no i nekoi od prvite i nikogaš dosega koncertno neizvedeni pesni. Nastan koj ḱe go izvedat členovi na grupata koi niz godinite bile del od Memorija, sozdavajḱi retko i avtentično doživuvanje niz vremeplov od četiri decenii muzičko tvoreštvo, koe ostava traga vo makedonskata rok istorija…
Vistinsko muzičko patuvanje vo večer ispolneta so emocii, nostalgija i moḱen rok zvuk što ne staree, so povik i pokana:
„Se gledame vo MKC – niz koncertna magija da sozdademe novi spomeni so muzikata na Memorija!“
Foto: Arhiva/grupa Memorija
Biba KRNČESKA
