Vo sabotata večer prilepčani imaa prvilegija da uživaat vo gala zabavata što beše organizirana vo restoranot “Vila Markoski” i vo živo da go slušaat popularniot folker Caki Kismi i grupata “Forum” od Prilep.
Odlični muzičari koi bez prestan svirea i peeja 6 časa i na delo ja pokažaa svojata profesionalna spremnost no i sensot za vrtoglavo podignuvanje na raspoloženieto.
Publikata beše generaciski mlada, no apsolutno podgotvena za ovaa zabava, taka što gi znaeše na pamet site pesni i hitovi od grupata “Kismi”, iako nivnite hitovi pretežno datiraat od devedesetite godni od minatiot vek, dokaz deka se što publikata ќe prifati i zasaka nema rok na traeenje.
Predizvikot da go slušam za prv pat vo živo Caki Kismi me natera da se upatam na zabavata bez rezervacija i prosto upadnavme so mojot prijatel vo “Vila Markoski”, barajќi smestuvanje, iako vidovme od samiot vlez deka se e full polno. Sepak, domaќinite bea fantastični i maksimalno se potrudija da ni izlezat vo presret i da ni najdat smestuvanje, taka što i vo ovaa prilika im se zablagodaruvam. Vleznicite za ovaa zabava podrazbiraa kompletno meni i zabava do utrinskite časovi kako i neograničeno pienje, taka što mislam deka site prisutni bea zadoolni od paketot što go dobija za duša i za site ostanati setila.
Ona što lično mene me fascinira beše glasovnata superiornost posle tolku mnogu godni na estradata na Caki Kismi i negoviot mnogusloen repertoar, koj gi podrazbiraše hitovite na grupata “Kismi”, no i site najgolemi makedonski hitovi ispeani od negovite kolegi kako što se Efto Pupinovski, Vasil Atnasov, grupata “Opus”, Blagojče Stojanovski Tuše, Esma Redjepova, Blagica Pavloska, Pepi Bavtirovski, kako i aktulenite hitovi od srpskata i bosanskata estradna scena koi se redea vo niza bez prestan. Caki kako prilepski zet moraše da se pokaže na delo, pa beše maksimlano zabaven, ja animiraše publikata so razni tekstualni dosetki i se šeguvaše na svoj račun, no isto taka gi ispočituva i site prisutni za muzičkite želbi i go počesti sekoe društvo so svoeto prisustvo. Sekako deka dojde i do nas lično da se pozdravi i so toa go prestavi onoj kafanski bon ton što go poseduvaat golemite zvezdi.
Bidejќi kako što rekov za prv pat go slušav vo živo, bev prosto začudena kolku toj ima moќen vokal i kolku intonativno na živi svirki e točen i apsolutno vispren koga se “šalta” od stil vo stil, a posebno e dominanten koga e orientalnata izvedba vo prašanje, zatoa što retko koj umee taka dobro da pee pesni od Esma Redjepova, od Adil, od Južni Vetar, od Verica Šerifovič, Šaban Bajramoviќ, Luis, pa i Šaban Šauliќ, ednostavno spremen pejač za lumperajka i ispolnuvanje na site muzički želbi.
Se razbira deka negov stolb na zabavata beše prilepskata grupa “Forum” koja e sostavena od odlični muzičari koi mnogu decenii svirat i muziciraat kako estradno taka i na privatnite zabavi i proslavi, pa sekoj zasebno kako instrumentalisti no i vokalno, zaslužvaat pofalba i respekt.
Mene lično najmnogu me predizvika izvedbata na Luisovata “Moja dudo” koja ja otpea solo gitaristot na grupata i mi go dobliži živo Luisovoto peenje koe go obožavav.
Deka Caki Kismi uživa golema popularnost megju mladiot svet me uveri tokmu ovaa zabava i pri toa mi pokaža deka ne slučajno go narekuvaat kral na bakšišot i deka i denešnite generacii emocijata ja razgaluvaat na starite hitovi, odnosno deka vremenskata distanca samo ja potvrduva vrednosta na se ona što beše slušano vo minatiot vek, a nekogaš strogo go osporuvaa i zabranuvaa muzičkite urednici od nacionalniot servis. No, kako što veli onaa narodnata “vodata sama najduva protok”, taka i dobrata pesna sama najduva pat do slušatelite bilo da e zabranuvana ili osporuvana, narodot e toj što odlučuva dali nešto ќe zasaka.
Na krajot ќe kažam deka šteta e što vakvi zabavi nema počesto vo našite gradovi i deka se najčesto cenovno ne prifatlivi za site naši sogragjani, no poželno e lugjeto počesto da se odlučat da odat na živi svirki od kolku sekojdnevno da se tupat so vesti i politika. Taka ќe go zaštitat svojot duh, a na svoeto zdravje ќe mu dadat doza na opuštenost i relaksacija…
Biba KRNČESKA
