„Ljubov, solzi i razdelbi“ – Mimi Jovanovska ja promoviraše „Majka“, posvetena na site razdeleni roditeli i deca
„Ne žali me , majko ne žali me, toa što odam od tebe. Solzive što kapat po mene, znaat što se ḱe pomine. Daleku si ti od mene, no ḱe dojde den da ne sobereš…“ Ova e mal del od zborovite iskažani vo najnovata pesna „Majka“ ispeana od Mimi Jovanovska, a koi pri sekoe slušanje predizvikuvaat solzi. Pesnata e preemotivna balada, koja Mimi ja donese sovršeno, kakov što e i nejziniot vokal. Muzika i tekstot se na Filip Nune, a aranžmanot e na Damir Imeri.
Sekoj koj ḱe ja slušne nema, a da ne zaplače, bidejḱi pesnata e posvetena za site deca i roditeli koi se razdeleni. Deca i roditeli, koi sudbinata gi odnela na pečalba daleku od doma. Tema, koja ne e posvetena samo na minatoto, koga masovno se zaminuvalo vo stranstvo. Naprotiv, ovaa tema denes i toa kako e aktuelna, bidejḱi ne postoi semejstvo vo koe nekoj od mladite ne e zaminat vo stranstvo.
Prikaznata vo pesnata e vistinska i za avtorot na tekstot, Filip Nune, i za pejačkata Mimi, koi isto taka rastele daleku od roditelite.
-Rastev daleku od majka mi, taa živeeše vo stranstvo, veli Mimi, koja na pesnata i dade nevidena emocija, kako što samo taa znae i umee.
Filip, i brat mu Rade, koi se del od „Bendot na braḱata Nune“, ja delat istata sudbina.
-Pesnata e pop balada, posvetena na site majki čii deca se zaminati vo stranstvo, no i za site roditeli, koi zaminale vo stranstvo, a decata gi ostavile na čuvanje kaj babite i dedovcite. Sekoj ima nekogo vo stranstvo ili dete ili najblizok. Taka i se rodi tekstot. Jas i brat mi isto taka bevme odvoeni od roditelite, bidejḱi nie živeevme so baba i dedo, a majka mi i tatko mi bea vo stranstvo. Koga ja napraviv muzikata tekstot sam se zalepi, veli Filip i dodava.
-Takva emotivna e i prikaznata vo spotot, koj go napravi Daniel Joveski. Dvajca braḱa, edniot i e vo srce a drugiot vo duša na majkata i taa gi pakuva vo dva kuferi. No, na krajot životot gi vleče eden kon drug. Ne bi sakal da ja raskažuvam kompletno, bidejḱi navistina vredi da se vidi. Pesnata e snimena so kameren orkestar, svirat 23 violini, a se raboteše vo dve studija.
Spotot e snimen vo Ohrid vo kuḱata na Robevci i se se poklopi kako treba. Izgleda navistina sovršeno, veli Filip.
Spotot na You tube e promoviran pred četiri dena, a pesnata premierno na živ nastap ḱe bide izvedena pred našincite vo Avstralija, bidejḱi naskoro zaminuvaat na turneja.
Biba KRNČSKA