Kako što najavija organizatorite, godinešnovo 38-mo izdanie na festivalot na zabavna muzika „Makfest 2023“ vo Štip, spored spisokot na muzički iminja i kvalitetot na pesnite koi ḱe gi izveduvaat, vetuva ušte posodržajna i poatraktivna muzička ponuda od minatata godina. Ako festivalot lani napravi krupen isčekor od „nekolkugodišnata letargija“, godinava se očekuva toj so krupni čekori „od sedum milji“ da začekori kon izdanijata od svoite najdobri denovi vo dolgata i bogata istorija.
Za toa garancija davaat najnapred izbranite kompozicii vo obete festivalski večeri. Prvata večer na mladi nadežni iminja i festivalski debitanti voedno ima i natprevaruvački karakter, zašto polovinata najdobri od nea ḱe se najdat na scenata na “Makfest 2023“ i vo slednata, revijalna večer, ramo do ramo so pogolemite, popoznati i veḱe etablirani estradni iminja.
Nekoi od niv kako Dragana Jovanovska, Tijana Periḱ, Brankica Svirkov – Bani (vo duet so Tome Toki), Marija Grujovska, Aleksandra Trajčeska… veḱe imaat golemo estradno iskustvo, zašto nekoi od niv učestvuvale na pogolemi i pomali domašni i regionalni muzički, talent, šou natprevaruvanja i festivali, pa poedinci duri imaat i festivalski pobedi ili osvojuvale drug tip nagradi.
Kako i da e, sevkupno i prvata večer vetuva odličen scenski nastap, potencijalni hitovi i baladi, interesni dueti i izbor na najdobrite koi ḱe ja kompletiraat vtorata, revijalna večer.
Vo nea pak godinava ḱe imame vistinska makedonska muzička „prva liga“ zasilena so nekolku makedonski superdzvezdi. Nekoi od niv pred izvesen broj godini učestvuvale na „Makfest“, nekoi za prv pat se na scenata na domot na kulturata vo Štip, no site zaedno se edni od najgolemite makedonski muzički iminja, so brojni nastapi, koncerti, turneji i sekako… duzina hitovi zad sebe što i denes gi pejat i povozrasnite i pomladata publika, radiostanicite so godini ne prestanuvaat da gi vrtat vo radioeterot.
Muzički i produkciski, umetničkiot direktor Robert Sazdov i negoviot tim sorabotnici kako što samiot izjavi, napravija se’ zvukot na „Makfest“ da bide ušte poblizok do aktuelnite, svetski, muzički trendovi od druga strana, so svež zvuk i moderna produkcija bliski do mladata publika, da ne se zaboravi i onaa povozrasnata, koja ḱe može da ja prepoznae pesnata bliska do nejziniot vkus i senzibilitet. So eden zbor na „Makfest 2023“ ḱe ima muzika za site vkusovi i vozrasti.
So taa cel i vo toj duh e sozdaden i godinešniot slogan, odnosno godinešnoto moto na festivalot: „38 godini Makfest – „Festivalska simfonija za cela Makedonija“! Kako del od festivalskiot redizajn e i novata oficijalna muzička špica na „Makfest“, koja posle celi 32 godini ḱe ja doživee svojata zamena, a nejzin avtor e tokmu umetničkiot direktor na festivalot, renomiraniot makedonski kompozitor i muzičar, Robert Sazdov.
Organizaciono-izvršnata i producenstka ekipa predvodena od Aleksandar Arsovski, organizator i koordinator na Makfest od opština Štip, isto taka ima polni race rabota, sakajḱi festivalot pokraj muzičkite, da go nadopolni i so inovativni vizuelno-scenski sodržini, koi ḱe ja zbogatat kompletnata audio-vizuelna slika na „Makfest 2023“ za kompletno uživanje i na publikata vo salata i na TV gledačite.
Prethodno za site detali i poedinosti, pretstavnicite na makedonskite mediumi ḱe bidat izvesteni i informirani na PRESS konferencijata so mini koktel, koja e planirana da se održi vo prvata polovina na mesec oktomvri vo eden eliten hotel vo Skopje. Na nea ḱe bidat prezentirani i najmalite sitnici okolu učesnicite, kompoziciite, voditelite, prezenterite, žirito, crveniot tepih, foajeto, scenata, bekstejdžot… I sekako direktniot TV prenos na MRT od dvete večeri, no i direktniot „lajv striming“ na Internet i socijalnite mreži na ušte nekolku internet kanali i platformi na koi site slučuvanje pred početokot, za vreme na održuvanjeto i po završuvanjeto na „Makfest 2023“ ḱe bidat direktno emituvani, a izjavite, razgovorite, intervjuata… na festivalskite protagonisti preku snimki, potkasti i emisii i odložno emituvani.
Se na se’, na godinešniov „Makfest 2023“ koj ḱe se održi na 20 i 21 oktomvri vo Centarot za kulturata „Aco Šopov“ vo Štip očekuvajte edno mnogu poinakvo izdanie na najpoznatiot festival vo Makedonija.
Biba KRNČESKA
