Štip vikendov povtorno dišeše vo ritamot na zabavnata muzika. Vo prepolnata sala na Domot na kulturata „Aco Šopov“, na 30 i 31 oktomvri se održa 41-voto izdanie na festivalot „Makfest 2026“. Na audio-vizuelniot identitet godinava ednostavno ne se štedelo – grandioznata scena ponudi dosega najspektakularno rešenie vo ponovata istorija, so fantastičen grafički dizajn, precizna razsvetla i kristalno čist zvuk. Kako golem plus vo tehničkata podgotvenost se notira i navreme otpečatenoto festivalsko CD, koe ni beše najveno na press konferencijata deka ќe go dobieme i novinarite, no za žal ne dobivme takov spomen od godinešniot “Makfest”.
I pokraj ovoj administrativen previd, sepak samata tehnička podgotvenost ovaa godina ovozmoži vrvno televizisko šou, vo koe sekoj nastap poprimi poseben ambient i filmska estetika. Samiot scenski blesok beše silna inspiracija za izveduvačite, koi vložija seriozen trud i sredstva vo svojata stilizacija, kostimografija, koreografija i kompletno pretstavuvanje pred štipskata publika.
No, tuka doagja golemata ironija: na vakva svetska scena, od vkupno izvedenite 27 kompozicii, na prsti se brojat pesnite za koi so sigurnost može da kažeme deka imaat potencijal da se izborat za hitovski primat. Kreativnosta na avtorite očigledno potfrli ili samiot selektiven izbor bil pogrešen.
Iako nekoi vakviot izbor na pesni go pravdaat so retorikata deka ova se „drugi vreminja“, sepak štipskiot auditorium jasno pokaža deka ne saka da gleda i sluša identična melodiska forma, odnosno samo deca koi igraat i peat, tuku šarenolika ponuda, koja publikata postojano ќe ja animira kako bi uživala vo različnoto muzičko doživuvanje. Toa najdobro se počuvstvuva so nastapot na veteranot Risto Samardžiev. Toj donese kompozicija koja kako avtor, samiot ja okarakterizira kako „mediteransko-kafanska“, a euforičnata reakcija vo salata dokaža deka slušatelot mnogu brzo go prepoznava dobriot i pevliv refren.
Pokraj Samardžiev, na scenata vidovme ušte nekolku zreli izvedbi. Posebno ubavi pesni otpeaja Viktorija Loba, Agni Avšar, Nataša Malinkova, David Temelkov, Marija Daneva, kako i debitantite od grupata „Arte-Fakt“. Isto taka i nekolkute pesni vo rock fazon bea vistinsko osvežuvanje za festivalot, a megju niv se “Tripati na den”, Tea Zlatevska i Nenad Vržalski. Site tie donesoa svoj specifičen beleg i go popravija generalniot vpečatok.
Godinava festivalot go odbeležaa i nekolku značajni vraḱanja na scenata (kambekovi) – po podolga pauza pred štipskata publika povtorno zastanaa Elvir Mekiḱ, Vrčak i Loba.
Najsilen vokalen vpečatok vo revijalniot del na prvata večer predizvika Antonia Gigovska. Taa so pijano gi otpea kultnite evergrini od „Makfest“, pokažuvajḱi go svojot ogromen potencijal.
Poseben akcent zaslužuva i pojavuvanjeto na Marko Marinkoviḱ – Slatkaristika, koj isprati silna i iskrena poraka za lugjeto koi imaat problem so govorot i peltečenjeto, ohrabruvajḱi gi da prodolžat da sonuvaat.
Emotiven moment beše i muzičkiot omaž so koj beše oddadena počit na Vlado Janevski, čii bezvremenski pesni se zasekogaš vgradeni vo temelite na makedonskata zabavna muzika.
Vtorata večer gi donese starite prijateli vo nov spoj. Tokmu Toni Zen i Jovan Jovanov bea najintervjuiranite i najslikanite zvezdi na večerta, so pravo privlekuvajḱi go celoto vnimanie so novata kompozicija „Ušte mi trebaš“, so koja simbolično ja prodolžija prikaznata na nekogašniot golem hit„Itno mi trebaš“.
Vo ramkite na ova izdanie, priznanieto za najslušana pesna megju dvata festivala zamina kajLara Ivanova za hitot „Dominanten“.
Kako celosen kontrast od ova pak, beše lošiot izbor na kompozicijata koja ja izvedoa Vrčak i Simona Poposka. Iako dvajcata važat za golemi profesionalci, a nivniot spoj vetuvaše mnogu, ovoj pat apsolutno razočaraa.
Od mediumski aspekt, mora da se podvleče deka organizacijata pokaža visoko nivo na profesionalnost. I pokraj nekoi naši, predhodno zategnati relacii so organizatorite i umetničkoto rakovodstvo na festivalot, sepak kako prestavnici od medium bevme maksimalno korektno prečekani i ispočituvani što ovozmoži da imame odlična preglednost na site festivalski slučuvanja.
Sepak, prikaznata za ova izdanie e daleku od završena, a vistinskite prašanja doprva se otvoraat.
Prvata večer, nameneta za mladite debitanti, zaslužuva detalen sken. Tokmu zatoa, našeto sledno prodolženie ḱe bide celosno posveteno na selektiranite iminja koi uspeaja da pominat vo finaleto, no ušte poveḱe na onie koi ostanaa nadvor od nego i vednaš počnaa javno da go izrazuvaat svoeto nezadovolstvo preku socijalnite mreži.
Na red doagja analizata na zadkulisnite momenti, silnoto estradno licemerie koe so godini go neguvame, a e isklučitelno štetno za samite festivali.
Vreme e da zboruvame i za stravot od soočuvanje so zdrava i objektivna kritika – onaa koja najčesto se dočekuva na nož, namesto da bide iskoristena kako alatka so koja može da se podobrat nekoi propusti koi se povtoruvaat.
Na krajot samo ќe podvlečam deka mojata misija na festivalite kako novinar ne e ni apriori da kritikuvam nitu da branam odredeni stavovi ili metodi, tuku realno i mnogu objektivno da otvoram temi, dilemi i prašanja koi kaj nas najrado sakaat da gi zataškaat…
BiBa KRNČESKA
