Ubavite muzički slučuvanja što ja oblagodaruvaat dušata treba da se povtoruvaat i vo toj duh namesništvoto na crkovniot hram Sv. Petka od Prilep odluči da prodolži vo letniot period so humanitarnite solisitički koncerti vo crkovniot dvor, koi se vistinsko zadovolstvo, pred se za Točilci, kako najbliski posetiteli od gradot, a potoa i za site vernici kako od Prilep taka i od okolnite mesta.
I ovoj ponedelnikot dvorot na preubavata crkva na Sv. Petka beše ispolnet so golem broj na vernici i vljubenici vo ubavata pesna, a posebno voočlivo beše prisustvoto na golem broj dečinja koi so neskrieno zadovolstvo čekaa da počne muzikata.
Ovoj pat humanitarniot koncert pod sloganot “Od vekovi za vekovi” go osmislija Lambe Alabakovski i prilepskata grupa “Marifet”, so koja Lambe najčesto i nastapuva zaedno.
Vlezot kako i sekogaš beše sloboden, a site koi sakaa da priložat donacija za crkvata toa možea da go napravat vo kutijata što beše postavena od desnata strana vo dvorot. Isto taka site zainteresirani vernici koi sakaat da prilozat donacja za ovaa preubava crkva na Sv. Petka vo naselbata Točila vo Prilep, toa možat da go napravat preku žiro smetkata vnesuvajќi gi podatocite: ŽIRO SMETKA ZA DONACII: Hram Sv.Petka-Tocila, Prilep 500-000000887189
Inaku koncertot počna so malo kasnenje i silno isčekuvanje od publikata, koja so golemi simpatii i srdečni aplauzi go dočeka nasmeaniot Lambe i muzičarite od “Marifet” bendot, a prodolži so zaednička grlena pesna na izveduvačite i publikata, koja odlično gi znaeše refrenite na site tradicionalni makedonski pesni, no i na onie avtorskite pesni na Lambe kako i na evergrinite koi posebno mu ležat na senzibilitetot na Alabakovski.
Noќta beše vistnsko eho za rodoljubivite refeni “Ogan da go gori”, “Nalej Nalej”, “Molitva”, “Kade pesno moja”, “Štom noќta pomine”, “Veruvaj mi ljubov moja si”, “Čija si”, “Kaži mi kaži”, “Sonce za tri sveta”, “Eh da možam”, “More od solzi” i drugi, koi spontano vo hor gi peeše i publikata, a koncertot završi so bis odnosno so silni aplauzi koi gi nateraa muzičarite zaedno so Lambe da otpeat ušte edna pesna, a toa beše našata tradicionalna makedonska “Jovano Jovanke” so koja završi i koncertot.
Celovečernata atmosvera beše mošne prijatna kako za uvo taka i za duhovno čuvstvo no i za emotivno raspoloženie, zatoa što posetitelite možea da uživaat vo preubavite makedonski pesni koi gi imame vo izobilie i koi predizvikuvaat posebna energija koga se izveduvaat na vaka ubavo i svečeno mesto, od dobri i kvalitetni muzičari.
Lambe Alabakovski so ovoj koncert ušte ednaš potvrdi deka ne samo što e dobar muzičar tuku e i golem vernik i patriot koj drži do svojata vera, zemja i tradicija i se trudi da bide korisen za svojot narod.
Neka bide blagosloveno negovoto delo i sekako muziciranjeto na site členovi na grupata “Marifet”, koi se odlični muzičari i dobro poznati na prilepčani i neka bidat primer koj ke go sledat i drugite nivni kolegi.
Biba KRNČESKA
