Krajot na letoto tradicionalno pomina vo znakot na renomiraniot festival „Ohrid fest – Ohridski trubaduri“, nastan koj donese izobilstvo od ubava muzika i silni impresii koi sè ušte budno nè držat. Vo naplivot na praznična euforija i brojnite sredbi so dragi, poznati lica, vo prvite momenti kako da nemavme prostor detalno da ì se posvetime na prvata folk večer. A tokmu taa ja nosi avtentičnata simbolika na sovremenata trubadurska pesna, pretstavuvajḱi pred publikata 17 novi i isklučitelno kvalitetni kompozicii.
Očigledno e deka producentskiot potpis na Ljupčo Sokolovski završil odlična rabota pri selekcijata na pristignatite materijali. Izbrani se pesni so različna stilska forma vo sovremen duh, koi zvučea produkciski moḱno, a na scenata izgledaa navistina atraktivno. Vakviot spoj na doajeni od najvisok rang i kvalitetni mladi potencijali, napravi folk večerta da se pretvori vo vistinski muzički delikates.
Tokmu poradi toa, odlukata da se glasa za samo edna pesna beše isklučitelno teška. Kako člen na Novinarskoto žiri, smetam deka trebaše da imame možnost da go dademe svojot glas za barem tri kompozicii. Navistina beše vistinski predizvik da se izbere samo eden favorit vo tolku silna i kvalitetna konkurencija.
Iako bea nagradeni duri 11 pesni, se čini deka i onie što ostanaa bez priznanija bea na nekoj način ošteteni, bidejḱi so ništo ne zaostanuvaa zad nagradenite. Koga go velam ova, pred sè mislam na prekrasnata izvedba na „Daj daj“ od Katerina Brezova i grupata „Sonata“, kako i na vpečatlivata „Sneg aprilski“ na Gjoko Dičoski, iako kompletniot vpečatok e deka i site ostanati nenagradeni kompozicii bea vistinsko uživanje za uvoto.
NEOČEKUVAN PRESVRT: GOCE DŽUKLESKI STAVI TOČKA NA SVOETO AVTORSKO PRETSTAVUVANJE NA “OHRID FEST”
No, vednaš po ovie ubavi i silni impresii koi gi donese folk večerta, poširokata javnost ja iznenadi nenadejnata objava na poznatiot makedonski kompozitor, i avtor na golem broj muzički dela, poznat harmonikas i ohridski hroničar koga e muzikata vo prašanje, Goce Džukleski, koj preku na socijalnite mreži, mošne decidno i definitivno najavi zboguvanje so svoeto ponatamošno učestvo na ovoj festival.
Vo svojata pismena objava na Fejsbuk, Džukleski ja ostavi slednava poraka koja privleče golemo vnimanie kaj javnosta:
„Uspehot ne e sekogaš ona što se gleda na scenata, nitu ona što e ispišano na edna plaketa. Vistinskiot uspeh e koga pesnata ḱe go nadživee festivalot. Koga ḱe ostane vo narodot. Koga po deset, dvaeset ili trieset godini nekoj povtorno ḱe ja zapee. Zatoa što muzikata ne e trka za pehari. Muzikata e umetnost, emocija i uživanje. Po 26 godini, zad sebe ne gi brojam nagradite. Gi brojam pesnite što ostanaa. I za kraj: Možeš da platiš da te gledaat, ama ne možeš da platiš da te pametat.“
So ovaa objava, Džukleski ušte ednaš pokaža deka umetničkiot integritet i trajnata vrednost na sozdadenoto delo mu se sekogaš na prvo mesto, stavajќi dostoinstven pečat na edno dolgogodišno i bogato festivalsko poglavje.
Festivalite od rangot na „Ohrid fest“ otsekogaš bile kompleksni manifestacii kade što se vkrstuvaat umetničkite ambicii, produkciskite standardi i subjektivnite emocii na samite učesnici. Dodeka od edna strana publikata dobi kvalitetna folk večer ispolneta so trajni refreni, povlekuvanjeto na doajeni kako Goce Džukleski otvora prostor za vnatrešna analiza vo samata festivalska organizacija. Balansot pomegјu natprevaruvačkiot karakter na festivalite i megјusebnata počit na relacija avtor-izveduvač-produkcija ostanuva klučen predizvik za održuvanje na renometo na makedonskata muzička scena vo idnina.
Biba KRNČSKA
