Ima nešto veličenstveno vo toa koga muzičarot koj rastel pokraj instrumenti i muzika, eden den ḱe izleze pred svetot i ḱe se vrati so zlato. Vasil Angelov tokmu toa go napravi vo Kirgistan.
Pobedata na mladiot makedonski muzičar na megjunarodniot natprevar „Echo of Nomads“ ne doagja tuku taka. Zad negovoto ime stoi muzičko semejstvo, godini pominati so muzikata i postepeno gradenje na sopstveniot muzički pat.
Vasil poteknuva od semejstvo vo koe muzikata ima seriozna tradicija. Negoviot tatko Zdravko Angelov e muzičar i dolgogodišen klarinetist vo Makedonskata filharmonija, a publikata go pameti i kako del od nekogaš mnogu popularniot sostav „Arija“.
No muzičkata prikazna ne zastanuva tuka.
Negoviot čičko Igor Angelov, isto taka, e poznat i cenet muzičar od Strumica, pa Vasil od najrana vozrast bil opkružen so lugje za koi scenata i muzikata ne bile nepoznata teritorija. Možebi tokmu zatoa negoviot odnos kon muzikata nikogaš ne bil slučaen. Ušte kako dete počnal da se zanimava so muzika, izučuval udarni instrumenti, a podocna počnal da sozdava i sopstveni muzički sodržini.
Od prvite kaver-izvedbi i domašnoto studio, Vasil postepeno stigna do profesionalnite sceni. Vo 2024 godina nastapi i na „Makfest“, kade ja izvede pesnata „Bez izvini“, pokažuvajḱi deka saka da gradi svoja prikazna i kako izveduvač, a ne samo da go prodolžuva semejnoto muzičko nasledstvo.
I tokmu tuka možebi e najvažnata rabota vo celata prikazna.
Talentot može da se nasledi i da se ima ljubov kon muzikata, no scenata mora sam da ja osvoiš!
A Vasil sega ja osvoi na mesto koe za makedonskite poimanja e daleku, no za nego ḱe ostane zapameteno kako edno od najvažnite negovi muzički patuvanja.
Vo Čolpon-Ata, na bregot na ezeroto Isik-Kul vo Kirgistan, se sobraa 21 izveduvač od 20 zemji za „Echo of Nomads“ – natprevar koj preku muzikata gi spojuva različnite kulturi i tradicii. Učesnicite se natprevaruvaa vo kategoriite „Ethno-Hit“ i „World Hit“, na festivalot koj e del od kulturnata programa na Šestite Svetski nomadski igri.
I tokmu tamu, megju muzičari od različni kraišta na svetot, žirito go postavi Vasil Angelov na prvoto mesto.
Za edno mlado makedonsko muzičko ime, toa e rezultat što najavuva silen potencijal.
Osobeno ako se pogledne patot što go iznedril – tatko muzičar, čičko muzičar, detstvo so muzika, prvi nastapi, avtorski ambicii, „Makfest“, a sega i pobednički pehar od megjunarodna scena.
Vasil, sepak, ne ostana samo vo senkata na prezimeto.
Naprotiv.
Angelov go napravi ona što sekoj mlad muzičar najmnogu go posakuva – od semejnoto ime da sozdade svoe ime.
A zlatoto od Kirgistan e najdobriot dokaz deka toj proces veḱe započna.
Od „Arija“ i muzičkite koreni na negoviot tatko, preku muzičkata tradicija na semejstvoto Angelovi, do novata generacija pretstavena preku Vasil. Muzičkata prikazna dobiva novo prodolženie.
Ovojpat – iljadnici kilometri od Makedonija, no so makedonskoto zname visoko krenato i so osvoenoto prvo mesto za Vasil Angelov.
Biba KRNČSKA
