Aleksandar Mitevski, Dragan Spasov – Dac i Ognen Nedelkovski, zaedno so muzičkata legenda Blaga Petreska, podarija emotivno muzičko remek-delo koe vednaš gi osvoi srcata na prilepčani.
Premierata na videospotot za pesnata „Serenada za Prilep“ predizvika vistinski bran od emocii, nostalgija i gordost. Ova ne e samo obična kompozicija, tuku vistinska himna za prilepskiot duh, za čaršiskite sokaci, padinite na Pletvar, kultniot miris na tutunot i najubavite spomeni od mladosta.
Proektot e prekrasno spakuvan kako podarok za gradot, poddržan od prilepskiot brend „Vitaminka“ vo godinata koga odbeležuva golem jubilej – 70 godini postoenje.
Zad nego stoi izvonreden kreativen tim. Muzikata e delo na talentiraniot Aleksandar Mitevski, a izrazito avtentičniot i nostalgičen tekst go napiša genijalniot Ognen Nedelkovski, zaedno so Mitevski. Iako nitu Ognen nitu Aleksandar nemaat prilepski koreni, tie sovršeno uspeaja da go dolovat i ovekovečat pulsot na gradot i negovata samobitnost. Emotivnata razglednica niz čaršijata sovršeno se vklopi so moḱniot i prepoznatliv glas na edinstvenata Blaga Petreska, koja e najvpečatliviot muzički simbol na Prilep. Tokmu taa ì dava na ovaa serenada poseben bezvremenski beleg.
Videozapisot e snimen na klučni lokacii niz gradot – Starata prilepska čaršija, Saat-kulata, pod Markovite kuli, Varoškoto maalo, dodeka staroto kino služi kako scena za prelistuvanje na ubavite seḱavanja. Vo samiot videospot, Dragan Spasov – Dac so svojata harizma, zaedno so Blaga i Mitevski, na prikaznata ì podaruvaat svoevidna aura, a nivnite široki nasmevki i pregratki gi rastopija prilepčani. Kamerata mošne vešto go dolovila zdivot na čaršijata preku zanaetite, slučajnite minuvači koi ja dizajniraat vizuelnata prikazna, no i brojnite prilepski legendi koi preku svoite darbi i profesii go ovekovečile ovoj grad. Lično za mene, ovoj proekt ima ušte pogolemo emotivno značenje. Se čuvstvuvam navistina privilegirana što tokmu mojata draga Blaga navremeno me izvesti za snimanjeto, pa imav retka možnost da bidam del od celata taa prekrasna i pozitivna atmosfera zad kamerite. Iako bev tamu samo za poddrška i družba, Dac i Aleksandar me iznenadija na najubav možen način – so toa što me stavija vo samiot spot!
Sekogaš koga ḱe go gledam ovoj spot, ḱe se seḱavam na toa kolku Blaga snimaše nasmeana, profesionalna i raspeana, i pokraj toa što celo vreme ja stegaa štiklite. A kako posebna, slatka anegdota što ḱe ja pametam cel život, ḱe mi ostane momentot koga završi snimanjeto i Blaga ednosno se sobleče štiklite i sosema bosonoga prošeta niz prilepskiot ploštad! Toa e našata Blaga – neposredna, prirodna i so ogromno srce.
Prilepčani, spodeluvajte ja pesnata, pejte i gordejte se so našiot grad! Se gledame na korzoto…
Biba KRNČESKA
