Makedonskata muzička scena od denes e pobogata za ušte edna nova, vozbudliva, a neočekuvana sorabotka – Pajak, Jovan Jovanov i Elvir Mekiḱ ja promoviraa pesnata „Delirium“. „Delirium“ e samo uvertira za dolgoočekuvaniot koncert na Jovan i Elvir vo Skopje, koj ḱe se održi na 6 juni vo arenata „Boris Trajkovski“, a na koj Pajak e najaven kako eden od specijalnite gosti.
Pesnata e rabotena so dobropoznatiot i renomiran tim, koj raboti na celiot album na Pajak, a kako avtori se javuvaat Pajak, Jovan Jovanov, Ivan Jovanov, Tasko i Elvir Mekiḱ, dodeka videoto se snimaše na lokacija blizu Skopje, vo režija na Gordan Božinovski.
„Posle našiot koncert, Pajak vadi nov album, a toj, Elvir i jas imame zadnička pesna, „Delirium“. No, bidejḱi našiot koncert e naskoro, na 06.06, zaedno rešivme da gi iznenadime site i da ja puštime pesnata sega. Od lugjeto što ja slušnaa veḱe imame komentari deka e „zarazna“ i deka vednaš vleguva vo uvo, pa se nadevam deka koga ḱe izlezeme site trojca na bina, i publikata ḱe pee so nas“, veli Jovan.
Za potsetuvanje, na koncertot koj ḱe se održi na 6 juni, publikata, pokraj dobro poznatite hitovi, ḱe ima možnost premierno da ja slušne i novata pesna i da gi vidi zaedno vo živo trojcata muzičari. Osven Pajak, kako gosti se najaveni i Toni Zen, Maja Sazdanovska, Adrijan Gadža, Slagja Delibašiḱ i Džus, i specijalen gostin – dolgogodišen sorabotnik na Jovan i Elvir. Organizatorite najavuvaat večer ispolneta so mnogu emocii, hitovi i scenska produkcija kakva što retko se gleda na domašnata scena.
Za koncertot e najaven i poseben dres-kod „All white“, odnosno site posetiteli se povikuvaat da bidat oblečeni vo belo, so što i arenata ḱe dobie unikaten vizuelen izgled. Interesot za koncertot e ogromen, bileti ostanuvaat ušte malku, a može da se kupat preku MKTickets, na linkot https://mktickets.mk/event/
Biba KRNČESKA
