Pehčevo, maloto no so srce golemo gratče vo Maleševijata, izminatiot vikend beše centar na balkanskiot melos, vrvnata zabava i tradicionalnata gostoprimlivost. Za prvpat bevme del od “Festivalot na duvački orkestri”, a prviot vpečatok se opišuva so samo nekolku zborovi: srdečen priem, neverojatna energija i atmosfera koja dolgo ḱe se pameti.
OD INTERVJU „NA GLADNO“ SO KEBA DO LUDILOTO NA „BRASS BROTHERS“
Ušte so samoto pristignuvanje, ja počuvstvuvavme toplinata na domaḱinite. Bevme prečekani od ljubeznata Elica, glaven koordinator na manifestacijata i doverlivo lice na gradonačalnikot Kitanov, koj isto taka srdečno nè pozdravi, posakuvajḱi ni dobredojde na našiot prv prestoj na festivalot vo Pehčevo.
Rabotnata atmosfera započna vednaš. Go načnavme denot so ekskluzivno intervju so legendarniot Dragan Kojiḱ – Keba, faten na „toplo“ vednaš po negovata generalna proba i pred negoviot ruček.
Keba ne go krieše svoeto vooduševuvanje od gradot i od celiot Maleševski kraj, spodeluvajḱi so nas edna prekrasna komparacija:„Mislev deka Šumadija vo Srbija e najzelena, no otkako ja vidov Maleševijata, sfativ deka i vie imate svoja Šumadija“, ni izjavi so nasmevka poznatiot pejač, fasciniran od prirodnite ubavini.
Po uspešno završenata novinarska zadača i smestuvanjeto vo preubavite apartmani, beše vreme i nie da gi vkusime lokalnite specijaliti koi bea sovršen voved vo ona što ne očekuvaše. Petočnata večer beše besprekorno organizirana. Programata ja otvorija členovite na „Maleševska kitka“, koi naidoa na golemi simpatii od prisutnata publika, a potoa na scenata gi vidovme „Kverkus Bend“, Matej i ubavata Bojana Ǵjuzelova.
Vistinskoto zagrevanje započna so trubačkite virtuozi od Srbija, Bojan i Bogdan Ristić. Poveḱekratnite pobednici na Guča, koi po četvrti pat nastapuvaat vo Pehčevo, napravija silna atmosfera so moḱen repertoar. Kulminacijata na večerta mu pripadna na Keba, koj napravi publikata da diše vo eden zdiv so negovite bezvremenski hitovi. Sepak, najsilen pečat i vistinsko „ludilo“ napravija bitolčanite „Brass Brothers“. So nivniot specifičen spoj na elektronska muzika i živi duvački instrumenti, tie slegoa megju publikata i gi zabavuvaa najizdržlivite do ranite mugri.
DEN 2: SVEḰA ZA ZDRAVJE NA PETROVDEN, BEROVSKI GURMANLAK I SABOTNA „TRESKA“ SO TEODORA DŽEHVEROVIḰ
Vtoriot den započna mirno, so utrinsko kafe i sumiranje na impresiite od nezaboravnata noḱ. Bidejḱi gradot go slaveše svojot patron, praznikot Petrovden i Pavlovden, ja posetivme preubavata gradska crkva „Sv. Petar i Pavle“. Vo ovoj prekrasen Božestven hram zapalivme sveḱa za zdravje i ja počuvstvuvavme duhovnata važnost na denot.
Popladneto go iskoristivme za prošetka do sosednoto Berovo. Ručekot vo restoranot „Mrs“, beše ušte edno vrvno gastronomsko uživanje, po što se upativme kon luksuzniot „Aurora Spa Resort“ – fenomenalno mesto kade što uživavme vo prekrasno kafe i ubava priroda.
Koga se vrativme vo Pehčevo za finalnata večer, nè prečeka vistinski naroden bran. Sabotata beše tolku masovno posetena što niz tolpata narod, bukvalno edvaj se razminuvavme.
Ona što osobeno fasciniraše beše originalniot i precizno pogoden izbor na umetnici – podobar ednostavno ne možeše da bide!
Večerta ja otvori fenomenalniot sostav „Belo kopče“. Kako „tribute“ bend na legendarnoto „Bijelo dugme“, izbrale fantastično hitovski opus, a nivnata posebna originalnost se ogledaše vo apsolutna imitacija na originalnata postava, odnosno vo nivnoto stiliziranje so avtentična garderoba prepoynatliva za bendot koj beše simbol na rock end rollot od socijalističkata era. Ednostavno beše vistinsko zadovolstvo da se slušaat i gledaat.
Po niv, vo stilot na svetska zvezda, pristigna i glavnata atrakcija – Teodora Džehveroviḱ, koja na scenata izleze vo pridružba na dve tančerki i di-džej, a ja donese silno obezbeduvanje, pa so svojata atraktivna seksi pojava predizvika vistinska histerija kaj armijata mladi fanovi koi bukvalno luduvaa po nea, i vo eden glas gi peeja site nejzini pesni.
Zabavata ja zaokruži nastapot na Ike De Koka, koi so svojot originalen, muzičko – zabaven performans go zadrža raspoloženieto na publikata do dlaboko vo noḱta.
So eden zbor finalnata večer ponudi vistinska “Sabotna treska“.
GRADONAČALNIK SO ISKLUČITELEN SENS ZA MUZIKA
Kako novinar, bev fascinirana od uspešno osmisleniot koncept, pa ne izdržav i lično go prašav gradonačalnikot Kitanov koj stoi zad vakvata odlična muzička selekcija. Toj vednaš mi odgovori deka izborot na gosti e lično negov. Bev prijatno iznenadena i vooduševena kako eden političar, uslovno kažano, može da ima tolku izoštren sens za umetnici, muzičari i za toa što ì e potrebno na publikata.
Kako rezime samo bi rekle – ovoj festival vo Pehčevo celosno nè vooduševi. Si zaminavme so polni srce i so sigurno vetuvanje deka slednata godina se gledame povtorno na istoto mesto!
Biba KRNČESKA
