Proektot „Makedonijo, vo srce te nosime“ prodolžuva da ja rasplamtuva ljubovta kon tatkovinata preku pesna koja ne e samo noti, tuku bolka, radost, seḱavanja – vistinska makedonska emocija. Najnovoto muzičko oživuvanje vo ramkite na ovoj proekt e legendarnata „Zapejte site angeli“, pesna što povtorno bleska vo seta svoja veličina, ovojpat vo maestralna i dlaboko emotivna izvedba na Bojana Skenderovski.
So unikaten vokal i duša polna ljubov kon Makedonija, Bojana ì dava nov život na ovaa kompozicija, pod vrvnata muzička produkcija na maestro Nikolče Micevski. Originalno ispeana od golemiot Goce Nikolovski vo dalečnata 1991 godina – godina na istorisko značenje za makedonskiot narod – pesnata so muzika na Nikolovski i tekst na Jovan Pavlovski, stanuva simbol na nepokorniot duh i dostoinstvoto.
Ovaa kompozicija ne e samo muzika, tuku povik, povik do sekoj Makedonec, kade i da e, da se seḱava, da ljubi, da neguva.
Skenderovski produkcija, preku svojata posvetenost i avtentična muzička vizija, veḱe ja ostavi dušata na Makedonija da prozvuči preku novite izvedbi na „Ne kažuvaj libe dobra noḱ” (Ognen Zdravkovski), „Kako pirej” (Lambe Alabakovski), „Se sobrale komitite” (Mile Kuzmanovski), „Kako što e taa čaša” (Spasen Siljanoski) „Ja izlezi stara majko”(Marija Spasovska), „Po drum odam majče“ (Mina Blažev) i „Gorda Makedonka“ (Zuica Lazova).
Sekoja pesna od ovoj proekt e svedoštvo za toa deka muzikata e jazikot na narodot, melodija na našata memorija i identitetot što go čuvame kako najsvet dar. Proektot „Makedonijo, vo srce te nosime“ ne e samo muzički proekt, tuku misija – da ja zajakneme ljubovta kon zemjata, da se potsetime koi sme i zošto makedonskata pesna e gordost i dostoinstvo.
Uživajte vo „Zapejte site angeli“ – i neka se sluša glasot na Bojana Skenderovski kako odek na ljubovta kon Makedonija:
Biba KRNČESKA
