Na golemiot makedonski praznik Ilinden, popularnata folk zvezda Aneta Ljumakovska go pretstavi svojot najnov videospot za pesnata „100 po Rihter“, delo koe vednaš privleče ogromno vnimanie i veḱe se zakanuva da stane nezamenliv del od letnata plejlista vo celiot region.
-„Dva dena pominati na sonce, so toplina, zamor, nespienje, patuvanje od edna destinacija do druga, no, sepak, ostanavme pozitivni, nasmeani i raspoloženi. Cvrsto veruvam deka ḱe ja opravdam doverbata na mojata verna publika. Ovaa pesna mi znači mnogu, vloživme srce, duša i profesionalizam“, izjavi Aneta po premierata.
„100 po Rihter“ e tipična Ljumakovska – moderna, energična, so prepoznatlivi etno-vibracii, lesno pametliv tekst i refren koj ve tera da peete ušte pri prvoto slušanje. So vokal koj ostava vpečatok i produkcija na visoko nivo, ovaa pesna ima sè što ì treba za da stane leten hit što se pee, se igra i se spodeluva. Pokraj estetikata i profesionalizmot, ona što ja izdvojuva ovaa pesna e emocionalnata iskrenost i avtentičnosta na Aneta. Ova ne e samo ušte edna pesna vo nizata – ova e proekt zad koj stoi jasna vizija i mnogu ljubov.
Spotot, samo nekolku časa po premierata, veḱe sobra rečisi 7.500 pregledi, a socijalnite mreži se preplaveni so komentari, reakcii i videa od fanovi koi ja peat i igraat na zarazniot ritam. Vo režija na Art Studio produkcija, so poddrška od Balkan Mjuzik Televizija, videoto nosi vistinski leten vizuelen spektakl. Snimeno vo živopisnata Kavala, Grcija, spotot izobiluva so plaži, jahti, kokteli, sončevi kadri i atmosfera na bezgrižno leto, što sovršeno ja nadopolnuva muzikata.
So „100 po Rihter“, Aneta Ljumakovska ušte ednaš potvrduva deka e edna od vodečkite zvezdi na makedonskata i balkanskata muzička scena. Ova e pesna što ne samo što ja slušate – tuku ja čuvstvuvate.
Biba KRNČESKA
