Pasvord produkcija“ so osobena čest go najavuva i organizira najgolemiot zaednički koncert dosega vo Makedonija na dvata najgolemi operski glasa koi ovaa zemja mu gi podari na svetot – Ana i Igor Durlovski!
Na 6 dekemvri 2026 godina, vo SC „Jane Sandanski“ vo Skopje, Ana i Igor Durlovski ḱe ja pretstavat svojata najambiciozna zaednička koncertna produkcija – ZAVET.
Dvajcata istaknati makedonski operski umetnici, so megjunarodni karieri i nastapi na prestižni svetski sceni, ḱe ja povedat publikata na nesekojdnevno muzičko patuvanje – od remek-delata na klasičnata i operskata muzika, preku nezaboravnite filmski temi i sovremenite svetski hitovi, do bogatstvoto na makedonskoto muzičko nasledstvo.
Pridružuvani od golemiot simfoniski orkestar AJGA, hor i specijalni gosti, pod dirigentskata palka na Ana Spasovska, Ana i Igor ḱe pretstavat vnimatelno osmislena koncertna programa vo koja se sreḱavaat različni muzički žanrovi, epohi i umetnički izrazi. Na programata se dela od Karl Orf, Georg Fridrih Hendl, Džakomo Pučini, Žak Ofenbah, Eitor Vila-Lobos i Enio Morikone, no i muzika od Radiohead, Sia i drugi avtori čii kompozicii ostavile silen beleg vo sovremenata muzička kultura.
Publikata ḱe ima možnost da gi slušne O Fortuna, Creep, The Book of Love, Chandelier, Pie Jesu, Nessun Dorma, Bring Him Home i drugi prepoznatlivi kompozicii, del od niv vo novi orkestarski aranžmani i interpretacii podgotveni vo sorabotka so makedonskiot kompozitor i aranžer Soni Petrovski.
Od monumentalnata sila na O Fortuna, preku dramatičnosta na Creep i Chandelier, do lirikata na The Book of Love i Bring Him Home, sekoja kompozicija otvora nov muzički svet. So simfoniskiot orkestar, horot i glasovite na Ana i Igor, poznatite melodii dobivaat novi boi, izraz i scenska dimenzija.
No vistinskoto značenje na ZAVET se otkriva vo negovata završnica. Po patuvanjeto niz različni muzički svetovi, Ana i Igor se vraḱaat kon makedonskata pesna – kon melodiite što gi povrzuvaat generaciite i pretstavuvaat neraskinliv del od našiot kulturen identitet. „Kaži Angjo“, „Dejgidi, ludi mladi godini“, „Izlegu da se rašeta“, „Stojne, bre Stojne“ i „Nazad, nazad Kalino mome“ ḱe ja donesat toplinata i prepoznatlivata emocija na makedonskata muzička tradicija vo edna golema simfoniska koncertna produkcija.
Tokmu vo toj spoj na svetskoto i domašnoto, na klasikata i sovremeniot muzički izraz, na umetničkoto iskustvo i sopstvenite koreni, se ragja idejata za ZAVET.
ZAVET ne e samo koncert što obedinuva različni muzički žanrovi. Toa e muzička sredba na svetskoto iskustvo so sopstvenite koreni, na umetničkata sloboda so tradicijata i na minatoto so segašnosta.
Za krajot na 2026 godina, eden e izborot.
ZAVET – „Od svetot do izvorot“… Nastan što ne se slučuva sekoj den. Golema koncertna produkcija so vrvni makedonski umetnici, sozdadena za makedonskata publika.
6-ti dekemvri 2026 godina, SC „Jane Sandanski“, Skopje vo 20:00 časot.
Biba KRNČESKA
