Makedonskiot muzički izraz, sploten so srpskata tradicija, sevdalinkata i balkanskiot folklor, na 18 noemvri ḱe dobie svoja koncertna prikazna vo Golemata sala na Kolarčevata zadužbina vo Belgrad. Prof. d-r Jove Kekenovski so Orkestarot „Fontana“ od Bitola i izbrani vokalni gosti podgotvuva koncertna promocija na studiskiot album „Balkanski žubor“, vo izdanie na PGP RTS.

Ima muzički proekti što otvoraat poširok prostor za spoj na različni tradicii, generacii i muzički senzibiliteti. Tokmu takva koncertna večer najavuva prof. d-r Jove Kekenovski, koj na 18 noemvri 2026 godina, so početok vo 20 časot, ḱe go pretstavi svojot studiski album „Balkanski žubor“ pred belgradskata publika, na scenata na Golemata sala na Kolarčevata zadužbina.
Vo centarot na ovaa muzička prikazna e harmonikata na Kekenovski – instrument preku koj toj go gradi svojot prepoznatliv izraz, potpirajḱi se na makedonskoto muzičko nasledstvo, no i na poširokiot balkanski melodiski prostor.
Koncertot e zamislen kako poveḱe od instrumentalna prezentacija. Toa ḱe bide vistinska balkanska muzička sredba, vo koja orkestarskite kompozicii, narodnite motivi, sevdalinkite i vokalnite izvedbi ḱe se nadopolnuvaat vo edna zaokružena celina.
Kako pridružen orkestar ḱe nastapi „Fontana“ od Bitola, a vokalnite solisti se Blagoja Grujovski, Ringo Hamidoviḱ i bračniot par Lenče i Goran Kukiḱ.

Različnite vokalni izrazi i muzički opredelbi na gostite treba da ì dadat dopolnitelna širočina na programata, koja gi povrzuva makedonskata i srpskata narodna muzika, sevdalinkata i prepoznatlivite balkanski ritmi.

Voditelka na programata ḱe bide Tanja Škiḱ.
Koncertnata programa e sostavena od 14 muzički točki i nudi interesen presek na avtorskiot i tradicionalniot repertoar. Ḱe bidat izvedeni kompoziciite „Virtuozna 11/8“, „Martinovo oro“, kako i spletot „Kukuško – Dojransko oro“, a posebno mesto ima i naslovnata kompozicija „Balkanski žubor“. Programata prodolžuva so varijacii na temata „Se posvrši serbez Donka“, splet srpski kola, „Igraorna fantazija“, „Revijsko oro“ i „Kekenius Makedonnikus“.

Vokalniot del nosi ušte edna dimenzija. Blagoja Grujovski ḱe gi interpretira „Po sokaci odam“ i „Jano Janinke“, Ringo Hamidoviḱ ḱe nastapi so „Oči moje, kletvom bih vas kleo“ i „Sve behara i sve cveća“, dodeka Lenče Kukiḱ ḱe gi izvede „Katerino mome“ i „Sakam da me kradeš“. Goran Kukiḱ ḱe se pretstavi so „Volim te“ i „Ah, toa vino“. Zaedničkiot nastap na Lenče i Goran Kukiḱ so Blagoja Grujovski vo završniot del od programata, so kompozicijata „Ljubov golema“ („Za mnogu godini, Makedonci“), dopolnitelno ja naglasuva idejata za muzičko povrzuvanje nadvor od nacionalnite i žanrovskite granici. Interesen moment od koncertnata prikazna e i vraḱanjeto na edna kompozicija od muzičkoto minato na Kekenovski. Kako što najavi vo televizisko gostuvanje, stanuva zbor za delo što go snimil ušte vo 1983 godina so Orkestarot na Makedonskata radio-televizija, a sega povtorno mu se vraḱa, vo nova izveduvačka sredina i so mladi muzičari.

Osobeno značajno e što „Balkanski žubor“ izleguva kako izdanie na PGP RTS, a koncertnata promocija se slučuva tokmu vo Belgrad – vo prostor so prepoznatlivo kulturno i koncertno značenje. Taka, ovoj proekt dobiva i poširoka dimenzija: makedonskata instrumentalna tradicija i umetničkiot izraz na eden makedonski harmonikaš se pretstavuvaat pred publika nadvor od domašnata scena.
„Muzika koja spaja ljude“ – porakata ispišana na koncertniot plakat – možebi najdobro ja sumira idejata na „Balkanski žubor“.

A koga na edna scena ḱe se sretnat harmonikata, orkestarot, glasovite i muzikata što so decenii se prenesuva od generacija na generacija, togaš koncertot stanuva i svoevidna potvrda deka tradicijata ne e nešto što ostanuva vo minatoto, tuku živa umetnička vrednost što prodolžuva da se razviva.

Belgrad, 18 noemvri 2026 godina, 20 časot – Golema sala na Kolarčevata zadužbina. „Balkanski žubor“ na Jove Kekenovski.
Biba KRNČESKA














