Najubaviot proleten mesec “Compas Bend” go krunisaa so nova i silno vpečatliva balada koja seriozno pretendira da se izbori za vistinski leten hit – „Pozitiv Negativ (Koj e kriv)“, pesna što ne se nametnuva, tuku se vovlekuva pod koža.
Vo svoj prepoznatliv stil, bendot ovojpat nosi prikazna za ljubov što se krši na tivko, megju gordosta i čuvstvoto, kade prašanjeto „koj e kriv“ stanuva pomalku važno od samata zaguba.
Baladata se dviži smireno, so čista emocija i melodija što nosi čuvstvo na bliskost, a refrenot ostanuva vpečatlivo da se pameti. Bez pregolema dramatičnost, taa uspeva da ja dolovi čovečkata strana na ljubovta vo koja nikoj navistina ne pobeduva ako čuvstvata se izgubat po pat.
Celata emocija dobiva ušte poubava forma preku videospotot koj izgleda meko, romantično i filmski. Sekoj kadar e vnimatelno postaven, a prirodnite pejzaži na Makedonija vnesuvaat dopolnitelna toplina i intimnost vo prikaznata. Namesto klasična muzička vizuelizacija, spotot poveḱe nalikuva na ljubovna razglednica ispolneta so emocii i tišina što zboruva sama za sebe. Romantičnite pejzaži i nežnata atmosfera sozdavaat čuvstvo kako prikaznata da se slučuva vo momentot, a vizuelnata realizacija ja potpišuva “General Film Studio”.
Sepak, ona što ja pravi celata slika posebna e prirodnosta na členovite na bendot pred kamera. Bez prenaglasena gluma, tie deluvaat kako del od samata prikazna, što ì dava dopolnitelna iskrenost i bliskost na vizuelnata naracija.
Muzikata, tekstot, aranžmanot i celosnata produkcija se delo na Zoran Rudan – Ceki, dodeka vokalite na Ljupčo i Ivana ja nosat emocijata vo nejzinata najčista forma — tivka, no silna.
So „Pozitiv Negativ (Koj e kriv)“, Compas Bend ušte ednaš potvrduvaat deka ubavite ljubovni pesni nikogaš ne izleguvaat od moda, osobeno koga zad niv stojat muzičari koi znaat kako emocijata da ja pretvorat i vo zvuk i vo slika.
Biba KRNČESKA
