Na 15 dekemvri, točno edna godina po triumfalniot nastap so „Zapealo slavej pile“ vo Nacionalnata opera i balet, Elena Andonovska povtorno izleguva pred publikata so golem solistički koncert — ovojpat na scenata na Makedonskiot naroden teatar (MNT), so početok vo 20:00 časot.

Minatogodišniot dekemvriski koncert postavi novi standardi za toa kako može da izgleda i da zvuči makedonskata narodna pesna. Od raskošnata vizuelna estetika so potpis na Elena Luka, preku zurlite, tapanite i bajraktarite, pa sè do nagraduvanite avtorski numeri i albumot „Niknalo cveḱe šareno“, Andonovska pokaža deka folklorot ima moḱ da bide glamurozen i scenski moḱen bez da ja izgubi svojata duša. Tokmu zatoa, očekuvanjata za nejziniot nov proekt se na najvisoko nivo.

Noviot koncerten proekt „Od Makedonija vo tugjina“ ne e samo muzička večer, tuku emotivna hronika što preku bogatstvoto na narodnata pesna ja raskažuva sudbinata na generacii Makedonci. Toa e prikazna za lugjeto koi, vodeni od životnite patišta, zaminale daleku od svoite domovi, no nikogaš ne ja prekinale duhovnata vrska so tatkovinata.
Po uspešnite izvedbi vo Bitola i Ohrid, ova delo pristignuva vo Skopje za da gi obedini ljubitelite na makedonskata pesna od celata zemja.

Na scenata na MNT, pokraj moḱniot vokal na Andonovska, publikata ḱe prosledi spoj na golem orkestar vo živo i akterska igra — koncept što vetuva silna dramaturgija i iskrena emocija. Vo programata se vklučeni antologiski kompozicii od makedonskata muzička riznica, megju koi i pesnite što gi ovekoveči legendarnata Vaska Ilieva.

Zad ovoj koncept stoi bogatoto scensko iskustvo na Andonovska, koja kako dolgogodišen člen na Nacionalnata ustanova Ansambl „Tanec“ i preku brojnite nastapi doma i vo stranstvo, svojata umetnička dejnost ja posvetuva tokmu na začuvuvanjeto i sovremenoto scensko oživuvanje na tradicijata.
Važnosta na ovaa misija ja prepozna i Ministerstvoto za kultura i turizam, koe go poddrža „Od Makedonija vo tugjina“ kako proekt od nacionalen interes.
Site onie što sakaat da bidat del od ovaa večer na 15 dekemvri vo 20:00 časot vo Makedonskiot naroden teatar, svoite bileti veḱe možat da gi obezbedat onlajn preku platformata KupiKarta.com, kako i na ovlastenite prodažni mesta niz Makedonija.
Biba KRNČESKA














