Postojat glasovi što se prepoznavaat po samo nekolku sekundi, pesni što gi znaat celi generacii i umetnici čie ime odamna gi nadminalo granicite na muzikata. Edna od niv e legendarnata Vesna Zmijanac, koja po tri decenii povtorno doagja vo Skopje, podgotvena na makedonskata publika da ì podari večer ispolneta so muzika, nostalgija i emocii.
Na 28 noemvri, so početok vo 20 časot, arenata „Boris Trajkovski“ ḱe bide domaḱin na golemiot koncert vo ramkite na nejzinata jubilejna turneja „GOLDEN TOUR – 50 GODINI KARIERA“ – muzički spektakl posveten na pet decenii ispolneti so hitovi, nezaboravni nastapi i bezbroj sredbi so publikata.
Vesna Zmijanac ne e samo ime od muzičkata istorija na regionot. Taa e umetnica čii pesni stanaa del od životnite prikazni na milioni lugje.
Nejziniot prepoznatliv glas, specifičnata interpretacija i scenskata harizma sozdadoa muzičko nasledstvo koe prodolžuva da živee i kaj generaciite što rastele so nejzinite pesni, no i kaj onie što doprva gi otkrivaat.
Tokmu zatoa, koncertot vo Skopje ima posebna težina. Makedonija otsekogaš bila važna točka na regionalnata muzička mapa, a makedonskata publika znae da ja prepoznae i da ja nagradi vistinskata muzička vrednost.
Ovaa noemvriska večer ḱe bide možnost ušte ednaš da se potvrdi posebnata vrska megju Vesna i publikata koja so godini gi nosi nejzinite pesni vo srceto.
Jubilejnata turneja spektakularno započna vo Belgrad, kade što Vesna Zmijanac održa tri koncerti vo tri posledovatelni večeri, pred tri rasprodadeni Belgradski areni. Uspehot na ovie nastapi ušte ednaš pokaža deka vistinskite muzički zvezdi ne zavisat od trendovite – nivnata publika ostanuva verna, a nivnite pesni ne gubat od vrednosta.
Po Belgrad, slednata golema stanica e tokmu Skopje, a muzičkoto patuvanje prodolžuva na 19 dekemvri vo saraevskata „Zetra“, na 21 januari ḱe bide specijalna gostinka na koncertot na nepovtorliviot Miroslav Iliḱ vo arenata vo Zagreb, dodeka na 20 fevruari Vesna ḱe nastapi i vo Ljubljana so golem koncert vo arenata „Kocka A2“.
Organizator na ovoj golem muzički nastan e Hype Produkcija, predvodena od sopstvenikot i direktor Saša Mirkoviḱ, koja so svojata vizija i organizaciska posvetenost prodolžuva da nosi golemi regionalni muzički iminja i visoka produkcija pred publikata.
Vesna Zmijanac ne ja krieše blagodarnosta kon Saša Mirkoviḱ, istaknuvajḱi ja negovata uloga vo nejzinoto povtorno vraḱanje na golemata koncertna scena. Spored nea, tokmu negovata upornost, profesionalnost i verba vo zaedničkata vizija bile megju klučnite motivi povtorno da prodolži so golemi koncerti i da se vrati pred publikata so spektakularna turneja.„Saša prvo znae da ja raboti ovaa rabota, a vtoro, uporen e i koga nešto ḱe naumi, za nego nema nevozmožno. Toj e odličen menadžer, prekrasen čovek, prijatel i drugar. Blagodarenie na nego se vrativ na golema vrata“, istakna Vesna Zmijanac.
Poradi isklučitelno golemiot interes i pobaruvačkata za vleznici, koncertot od prvično najavenata arena „Jane Sandanski“ e premesten vo arenata „Boris Trajkovski“ poradi pogolemiot kapacitet. Ovaa promena e ušte edna potvrda za interesot što go predizvikuva doagjanjeto na Vesna Zmijanac vo makedonskata metropola i očekuvanjata za večer ispolneta do poslednoto mesto.
Site dosega kupeni vleznici ostanuvaat važečki i za novata lokacija, bez potreba od zamena.,,Mnogu se raduvav što ḱe dojdam, dolgo vreme ne sum bila vo Skopje. Baš sum vozbudena za ovoj moj koncert i se nadevam deka ḱe bide eden od moite najdobri koncerti. Go sakam Skopje i makedonskiot narod, turneite porano nekako sekogaš gi započnuvav od Skopje i mi se čini deka koga trgam od tuka nekako imam sreḱa, me prati sreḱata sekogaš niz patot. Znam deka ḱe bide ubavo i veselo i deka site ḱe peeme i edvaj čekam.” – izjavi Vesna Zmijanac na denešnata pres-konferencija vo Skopje.
Pet decenii kariera ne se samo brojka. Toa se iljadnici otpeani pesni, bezbroj emocii, spomeni i momenti vo koi muzikata gi povrzuva lugjeto. A koga stanuva zbor za Vesna Zmijanac, sekoj hit nosi svoja prikazna, sekoj refren budi nekoja spomen, a sekoja sredba so publikata e potvrda deka vistinskata muzika nema rok na traenje.
Na 28 noemvri, Skopje ḱe bide del od taa prikazna. Pet decenii muzika. Edna legenda. Edna večer za pametenje.
Vleznicite za golemiot koncert publikata može da gi nabavi na onlajn platformata kupikarta.com.
Biba KRNČESKA
Foto: Hype TV MK / Dimitar Cacanoski
