Iskreni emocii, aplauzi i večer ispolneta so zvucite na makedonskata pesna ja odbeležaa ponedelničkata noḱ vo Makedonskata opera i balet.
Po 27. pat, revijalniot festival na novosozdadena makedonska folk muzika – „Rosa Fest“ gi obedini vljubenicite vo folklorot, potvrduvajḱi deka vistinskata muzika sekogaš go naogja patot do publikata i ne poznava granici na vremeto.
Na scenata bea izvedeni 17 novi kompozicii od nekoi od najpoznatite iminja na domašnata scena.
Večerta ispolneta so muzika i pozitivna energija ja zbogatija nastapite na Stojne Nikolova, Aneta Ljumakovska i „Aneta Bend“, Zdrave Mjuzik, Boban Canevski, Borče Naumovski – Ministerot, Drim Tim, Kate i grupa Sonata, Braḱata Nune, Orce Stefkoski, Bobi Spasencovski i ušte mnogu drugi izveduvači.
Sepak, najsilniot pečat na večerta go ostavija dodeluvanjata na prestižnite priznanija za životno delo. Godinava tie im pripadnaa na virtuozot Goran Alački, na istaknatiot pejač Blagoja Grujovski, kako i posthumno na nezaboravniot maestro Zoran Džorlev.
Osobeno trogatelen beše momentot koga nagradata vo ime na Džorlev ja primi negoviot sin, što predizvika silni emocii vo salata i beše pozdraveno so dolg i iskren aplauz.
Izborot na ovogodišnite laureati pretstavuva vistinski omaž na trojca umetnici koi so svojata poveḱedeceniska rabota ostavija neizbrišliva traga vo makedonskata muzička riznica.
Goran Alački – virtuozot na harmonika i avtor na bezvremenski hitovi
Roden vo 1965 godina, Goran Alački e eden od najznačajnite makedonski harmonikaši, kompozitori i aranžeri. So harmonikata drugaruva od sedumgodišna vozrast, a zad sebe ima opus od nad 300 avtorski pesni, ora i aranžmani. Negoviot potpis stoi zad antologiski kompozicii kako „Dojdi mi Leno na perniče belo“, „Što za svetot što za decata“ i „Parče od Evropa“. Niz svojata bogata megjunarodna kariera sorabotuval so vrvni svetski i balkanski iminja, megju koi Vlatko Stefanovski, Sting, Elton Džon i Oliver Dragojeviḱ.
Pokraj izveduvačkata dejnost, toj e i posveten pedagog, kako i ideen tvorec, organizator i realizator na mnogu uspešniot festival „Folk fest Vladimirovo“.
Blagoja Grujovski – prepoznatliviot glas na makedonskata pesna
Roden vo 1962 godina, Blagoja Grujovski poveḱe od tri decenii važi za eden od najpočituvanite makedonski folk vokalisti. Svojata muzička prikazna ja započnuva kako instrumentalist i pejač, a publikata vednaš go zasakuva preku negovata izvedba na kavalot i topliot glas. Zad sebe ima brojni festivalski nastapi i evergrini kako „Tugjino jabano“, „Jano mori Janinke“, „Moja reka“ i „Oj neveste“.
Pokraj muzičkata kariera, Grujovski ostavi beleg i vo mediumskiot prostor kako dolgogodišen novinar vo Makedonskoto radio i voditel na poveḱe popularni muzički emisii.
Zoran Džorlev – maestroto koj ja dobliži violinata do sekoe srce
Zoran Džorlev (1967 – 2021) beše vrven makedonski violinist, vokalen izveduvač, profesor i muzikolog. Poteknuvajḱi od poznato muzičko semejstvo, toj diplomiraše violina na Fakultetot za muzička umetnost vo Skopje. Vo svojata bogata kariera 14 godini beše del od orkestarot na Makedonskata opera i balet, a rakovodeše i so DMBUC „Ilija Nikolovski-Luj“ i so nacionalniot ansambl „Tanec“.
Džorlev ḱe ostane zapameten po negovite maestralni izvedbi i obrabotki na makedonski narodni, starogradski, filmski i džez kompozicii, kako i po popularnite televiziski emisii preku koi nesebično ja neguvaše i promoviraše makedonskata pesna.
Na krajot, upatuvame iskreni čestitki do ovogodišnite dobitnici za zasluženite priznanija koi se samo potvrda za nivnata bezrezervna ljubov i vlog vo makedonskata muzika, so želba nivnite dela ušte dolgo da odeknuvaat i da gi great srcata na publikata.
Biba KRNČESKA
