Samo nekolku početni taktovi se sosema dovolni za da sfatite deka stanuva zbor za refren koj ḱe ja šarmira publikata. Numerata „Ludi i naivni“, vsušnost go označuva prviot zaednički muzički proekt na Martinijan Kirilovski i Dragana Jovanovska. Ovaa duet sorabotka od pred nekolku dena e dostapna na slušatelite preku YouTube platformata, kako i na site ostanati digitalni servisi za muzika.
Integrirajḱi sovremen pop-zvuk so diskretni regeton elementi, pesnata prenesuva prikazna za bezuslovna ljubov koja gi preminuva voobičaenite granici. Ova e tema za čuvstvata što ne prinuduvaat slepo da veruvame, da se vpuštame vo rizici, da preminuvame preku greškite i, vo odredeni momenti, da se odnesuvame tokmu kako što nalaga naslovot – ludi i naivni.
Kompletniot potpis zad muzikata, tekstot i aranžmanot mu pripagja na Robert Bilbilov, renomiraniot makedonski tvorec čii dela so godini opstojuvaat na scenata. Negoviot karakterističen umetnički stil i ovojpat sozdade numera koja ušte na prvo slušanje go privlekuva vnimanieto na javnosta.
Vizuelizacijata pak na ovoj muzički spoj e zaokružen so videozapis vo režija i produkcija na Alek Tasevski preku „Eye Contact“. Toj uspea preku sofisticiran estetski pristap sovršeno da ja otslika emocionalnata poraka na pesnata i da ja pretoči vo kvalitetno video.
I pokraj toa što ovaa pesna e debitantski spoj na Martinijan i Dragana, tie sepak zvučat kako vokalen tandem koj sorabotuval so godini. Nivnite glasovi se preklopuvaat na mnogu priroden način, gradejḱi dijalog ispolnet so iskrenost, energija i zabeležliva hemija vo sekoj ispean stih.
Martinijan Kirilovski ne go krie zadovolstvoto što negoviot prv duet vo karierata e konečno objaven:
“Navistina čuvstvuvam golema radost što “Ludi i naivni” e veḱe vo eterot. Ova za mene e prvo vakvo iskustvo vo karierata i isklučitelno mi e drago što tokmu so Dragana ja realiziravme ovaa ideja. Ušte na početokot znaev deka numerata nosi posebna poraka i siguren sum deka mnogu lugje ḱe se pronajdat vo nea. Beše vistinsko zadovolstvo da se raboti so Robert Bilbilov, koj napravi odlična kompozicija, so Alek Tasevski koj snimi izvonredno video, kako i so ostanatiot del od timot. Silno se nadevam deka publikata ḱe ja prifati pesnata so istata emocija so koja nie ja podgotvuvavme.“
Za Dragana Jovanovska, ovoj singl pretstavuva produkt na silna kreativna povrzanost i timski duh:
„Ova beše prekrasen proces na koj mu se posvetivme so mnogu vnimanie i ljubov, pa veruvam deka kako rezultat dobivme odlična letna pesna. Mu blagodaram na Robert Bilbilov za ukažanata doverba, na Martinijan za odličnata sorabotka i na site ostanati koi pomognaa vo realizacijata. Veruvam deka ‘Ludi i naivni’ ḱe dopre do srcata na slušatelite i ḱe se vrti vo eterot ušte dolgo vreme.“
“Ludi i naivni“ definitivno ne e obično muzičko izdanie. Ova e početok verojatno na edna nova zaednička sorabotka megju Martinijan Kirilovski i Dragana Jovanovska. Proekt koj nosi dobar spoj i ubavi emocii spakuvani vo moderen ritam, taka što ovaa duet – numera pretendira da stane leten hit, i da gi pottikne site vernici vo ljubovta deka vistinskite ljubovi započnuvaat togaš koga imame hrabrost da bideme ludi i naivni.
https://youtu.be/WP6nPQGbQYw?si=I17dnbas1D-my3nh
Biba KRNČESKA
