Sinoќa imavme privilegija da prisustvuvame na treta festivalska večer na “Festivalot na harmonikite“ vo Oficerski dom vo Bitola, kade za prv pat, vo živo beše promoviran del od najnoviot studiski album na prof. d-r Jove Kekenovski, nasloven kako „Balkanski žubor“, a izdaden za renomiranata izdavačka kuḱa „PGP RTS“ od Belgrad, Srbija. Promocijata beše realizirana vo pridružba na grupata „Fontana“, i prof. Kiril Stojčevski, a za značenjeto na ovoj album govoreše i Marko Milutinoviḱ, odgovoren urednik na „PGP RTS“, koj istakna deka po 35 godini vo ovaa produkciska kuḱa povtorno se pojavuva makedonski umetnik kako izveduvač. Prof. d-r Jove Kekenovski, svetski prvak vo harmonika i čovek so dolgogodišno muzičko iskustvo, so albumot „Balkanski žubor“ go označuva svoeto vraḱanje na golemata muzička scena. Vo razgovorot po promocijata vo Bitola, toj otvoreno zboruva za svojot životen pat, za tatkoto koj mu bil najgolem kritičar i poddrška, za pričinite poradi koi se oddalečil od muzikata, no i za novite predizvici koi go očekuvaat.
Jove Keknovski: “Vo Bitola dojdovme so golema želba da napravime edna seriozna promocija. Ova e naš prv nastap na ovaa prestižna manifestacija, bidejḱi našiot orkestar za prvpat ḱe se pretstavi vo revijalniot del na Megjunarodniot festival „Prva harmonika Srbije – Sokobanja“ na 5 avgust. Se nadevam deka našite kolegi od Srbija ḱe bidat vooduševeni od našata izvedba i deka ḱe pokažeme deka makedonskite muzičari znaat da svirat na najvisoko nivo. Veruvam deka so našata muzika dostojno ḱe ja pretstavime Makedonija i ḱe ostavime silen vpečatok kaj publikata”.
Dali konečno se ostvari sonot?
Jove Kekenovski: “Da, sonot e ostvaren, za žal moram taka da kažam, imav tatko koj isto taka svireše harmonika i često mi veleše: „Sinko, mnogu si tvrdoglav, ne me slušaš. Da beše malku poširok i da gi slušaše moite preporaki, ḱe beše prvak na Jugoslavija.“ Namesto prvak na Jugoslavija, (jas vo toa vreme tamu osvoiv tri pati vtoro i tri pati treto mesto), sega osvoiv vo dve kategorii svetska titula i da bidam iskren koga se vrativ od Francija otidov da zapalam sveḱa kaj tatko mi i da mu kažam…Belkim me gleda od tie visočini, ili me sluša, za da vidi deka negoviot i mojot son go ostvariv. Izvinete što sega sum emotiven (očite na Jove Kekenovski se napolnija so solzi).
Znaeme deka ste patriot koj e silno povrzan so Makedonija, kolku Makedonija go vrednuva vašiot talent i vašite postignuvanja kako virtuoz od svetski kalibar?
Jove Kekenovski: “Ne sum samo jas vo prašanje. Vo prašanje se site koi se zanimavaat na edno visoko profesionalno nivo, vrvno nivo bi rekol. Za žal, ne posvetuvaat dovolno vnimanie. Jas imav sreḱa nešto Ministerstvoto za kultura da mi pomogne pri Svetskoto prvenstvo, meǵjutoa smetam deka tie mora da vodat smetka i vo svoite programi, da vnesat malku poveḱe interes i toa ne samo za narodnata muzika. Ne može nie seriozna muzika, na primer, da ja slušame samo na pogrebi? Govoram voopšto za muzikata. Mnogu e slabo. Žal, mi e što ne se pogodi ni eden minister dosega koj što ima senz malku za ovoj del od celokupnoto naše obštestveno živeenje. Da se nadevame deka rabotite ќe se promenat. Nie ќe vršime pritisok, ќe učestvuvame vo tie strategii što gi pravat. Jas pogotovo sum dosta aktiven vo poslednata strategija, kade što insistirav na takvo nešto. Za žal se smeni ministerot pa da se nadevame deka drugiot ќe gi prifati dobromenite sugestii. Nie ќe pritiskame, a tie, kolku imaat senz, toa e drugo. Zasega ostanuva da se potpreme na svoi sopstveni sili i da vložuvame sopstveni sredstva, no i da se nadevame deka možebi vo idnina nekoj umen, i porazumen seto ova ќe go ceni”.
Večerva so povod na vašiot nastap na festivalot “Harmonikite” čuvme kompozicii od vašot najnov album, no koga ќe bide oficijalnata promocija na albumot vo Skopje?
Jove Kekenovski:„Vo momentov ne razmisluvame za toa bidejḱi prioritet ni e vo predstojniot period da se pretstavime na festivalot vo Sokobanja. Mislam deka dobar termin bi bil nekade vo noemvri, bidejḱi jas imam i ličen povod – na 13 noemvri mi e roden eden od sinovite, i možebi tokmu za Denot na gradot, kako poranešen gradonačalnik na Skopje, da napravime edno ubavo iznenaduvanje – koncert so site naši kompozicii, zatoa što na ovoj album imame raznoviden repertoar – od narodni kompozicii do klasični dela. Na ova CD imam i klasični kompozicija od Johanes Brams, poznatiot „Ungarski tanc broj 5“, koj go svirime na eden svoeviden način, so nov aranžman blagodarenie na Damir Imeri i Ljubčo Bube Sokolovski. Taka što, možno e vo noemvri, tokmu na 13 noemvri, da go održime koncertot i da priredime edno ubavo muzičko doživuvanje.“
Vašiot album “Blakanski žubor”, dobi silno pozitivni kritiki od koppetentni ličnosti od regionot, kolku toa ve motivira i dali ovaa fama što se podigna okolu albumot znači deka prodolžuvate i ponatamu da deluvate vo muzičite vodi?
Jove Kekenovski: „Apsolutno deka ḱe prodolžam. Žal mi e za greškata što ja napraviv. Podlegnav na nekakov nadvorešen pritisok, na nekoi zli jazici koi zboruvaa vo smisla: „Eve go harmonikašot…“, ne znaejḱi deka jas sum i profesor po politički nauki, univerzitetski profesor. Za žal, togaš podlegnav na toa. Možebi trebaše da gi ostavam tezgite, no ne trebaše da prestanam da se zanimavam so muzika. Sepak, dobro e što taa ljubov kon muzikata postojano tleela vo mojata potsvest. Toa samo dokažuva deka ušte od mal sum bil taka sozdaden i nastroen – da živeam so mojata prva ljubov. Soprugata često mi se luti i me prašuva: „Koja e tvojata prva ljubov?“ A jas ì velam: „Harmonikata.“ (se smee) No toa ne znači deka i taa ne e moja ljubov. Ovaa greška što ja napraviv poveḱe nema da ja povtoram. Naprotiv, site kritiki i uspesi što gi postignav, mi dadoa dopolnitelen motiv da prodolžam ponatamu. Veḱe sum prisuten na poširok prostor – vo Crna Gora, vo Bosna i Hercegovina, kade što sum dosta aktiven. Tamu sum del i od žirito na najgolemiot bihački festival. Sega sum člen na žiri-komisija vo Tuzla za izbor na sevdalinki, kako i za izbor na najdobar harmonikaš na Tuzla. Taka što, odam čekor po čekor, sè podaleku. Se nadevam deka ḱe izgradime edna seriozna kariera i na ova pole, ne samo balkanska, tuku kariera koja ḱe ima poširok dostrel.“
Prisutnata publika vo Bitola i gostite od Srbija so facinacija go sledea vašeto virtuozno muziciranje. Prestavivte edna nevidena tehnika no i ležernost pri izvedbata koja beše baš ritmična i dinamična duri i za sledenje, a kamo li za svirenje. Pa vo kontekst na tie vaši predispozicii što e potrebno da poseduva eden svetski harmonikaš, dali vrvna tehnika ili izrazita emocija, što ve vodi vam?
Jove Kekenovski:„Bez emocija i bez posvetenost ne može sigurno da se prikaže toa što čovek go nosi vo sebe. No, bez vežbanje, bez tehnika i bez samodisciplina – nema uspeh. Koga ḱe započnete nešto, mora da go napravite točno onaka kako što treba. Ḱe povtoruvate i po milion pati ako e potrebno, so časovi i časovi, sè dodeka ne dojdete do sovršenstvo. Toa denes najdobro go znaat členovite na moeto semejstvo, iako mislam deka veḱe se „otrpnati“ od toa i voopšto ne me slušaat. (se smee) Jas imam svoja rabotna soba i tamu navistina rabotam. I vo ovie godini, vo prosek vežbam najmalku po četiri časa dnevno. Svetskata titula e zad mene, no za mene toa ne znači kraj. Titulata e priznanie, a rabotata prodolžuva ponatamu.“
Posle svetskata titula, što ostanuva, profesore?
Jove kekenovski: “Pa, ostanuva da svirime na svetskite podiumi. Jas zamisluvam da napravam eden golem koncert, za koj tokmu denes razgovaravme – vo Belgrad, so promocija na albumot. Ako uspeeme da go osvoime Belgrad, se nadevam deka potoa ḱe ni bidat otvoreni vratite i za Pariz, Sofija i za site drugi svetski metropoli. Muzikata nema granici i veruvam deka so kvalitetna rabota, posvetenost i vistinski pristap može da stigneme do najgolemite sceni.“
Biba KRNČESKA
