Tragično nedelno utro za Makedonija. Zemjata zavitkana vo crno, izgorea stotina mladi lugje vo stravičniot požar što se slučil vo ranite utrinski časovi vo diskotekata “Puls” vo Kočani.
Nastapot na grupata DNK na koj prisustvuvale 1000 lugje pretežno mladi lica, završi tragično vo momentot koga izbil požarot predizvikan od pirotehnickite sredstva koi se koristele za svetlosni efekti. Celi ogneni topki pagjale od pokrivot koj gorel vo središniot del na diskotekata, a lugjeto vo panika i haos se obiduvale da se spasat niz edinstveniot izlez koj postoel na objektot što bil preadaptiran od nekogašen magacin vo diskoteka. Vtor izlez nemalo pa panikata i haosot što nastanal bil stavičen.
Ima mnogu žrtvi, a dosega se spomenuva brojka od šeesetina zaginati mladi lica, dodeka stotina se hospitalizirani po bolnicite vo Kočani, Štip, Skopje i za nivnite životi bitkata e neizvesna.
Leleci i plač odeknuvaat vo Kočani koe e peplosano vo sekoja smisla. Makedonija e zavitkana vo crno.
Najgolemiot del od povredenite lica vo požarot koi bile odneseni vo Opštata bolnica vo Kočani bile na vozrast od 16 do 24 godini i bile od Skopje, Štip, Probištip i Kočani, soopšti direktorkata na kočanskata zdravstvena ustanova, doktorkata Kristina Serafimova.
Golem broj lugje vo dvorot po bolnicite čekaat informacii za sostojbata na nivnite bliski koi se povredeni, so izgorenici ili so posledici od vdišuvanje na čad. Tie se žalat deka i natamu ne dobivaat oficijalen spisok na lugjeto koi se zgriženi vo bolnicata, kako i kolkumina se počinati.
Spored informaciite, najgolem del od povredenite i od žrtvite se maloletnici, na koi im e zabraneto da bidat vo diskoteka vo tri časot nautro. Vo bolnicata vo Kočani i popladnevo ima roditeli koi sè ušte ne znaat kade im se decata.
Filip Stevanovski
Gjorgi Gorgjiev
Za žal vo požarot životot go izgubi i pridružniot člen na duoto “DNK”, klavijaturistot i poznat muzičar od Kumanovo, Filip Stevanovski, koj beše poznat i kako producent, pijanist, trombonist i kompozitor, a magistriral i jazz muzika, a nastrada i mladiot i talentiran tapanar na bendot „DNK“, Gjorgi Gorgjiev od Strumica, koj se istaknuvaše so svojot muzički talent. Stumičani se prostuvaa od mladiot Gjorgi so neveruvanje i taga deka poveќe go nema dobroto i nadareno za muzika dete.
Andrej Gjorgjieski
Prvično za frontmenite na duoto “DNK” Andrej i Pančo beše javeno deka se hospitalizirani vo bolnicite, no za žal potoa se oglasi majkata na Andrej Gjorgjieski i kaža deka go barala vo site bolnici no ne go našla sinot, odnosno deka so identično ime i prezime imalo hospitalizirano drugo lice vo Kočanskata bolnica, no toa ne bil pejačot Andrej, a posle nejzinoto oglasuvanje TV Telma javi deka i Andrej Gjorgjieski tragično go zagubil životot.
Pejačot im podlegnal na povredite od požarot vo Kočani. Vesta za negovata smrt TV Telma ja doznala od negovoto semejstvo. Toj, spored informaciite, imal teški izgorenici i se obiduval da im pomogne na gostite koga izbuvnal požarot. Posleden pat bil viden koga vlegol povtorno vo objektot da pomogne na lugje koi bile seušte vo diskotekata.
Vladimir Blažev-Pančo pak e hospitaliziran i ima izgorenici na liceto i racete, i voedno e na kislorodna poddrska.
Sara Projkoska
Do skoro kako isčeznata se vodeše i Sara Projkoska, pridružniot vokal na bendot, no za žal od Fakultetot za muzička umetnost-Skopje, javija deka i profesorkata i m-r Sara Projkovska e megju nastradanite od požarot vo diskotekata vo Kočani.
Aleksandar Efremov
Andrej Lazarov
Vo tragedijata vo kočanskata diskoteka, nastradal i Aleksandar Efremov, forograf na bendot “DNK” i isklučitelno talentiran mlad fotograf od Štip, a megju zaginatite e i 25-godišniot fudbaler na Škupi, Andrej Lazarov. Od redovite na Škupi ja potvrdija tažnata vest i informiraa deka Lazarov počinal taka što se zadušil od čadot dodeka pomagal na ostanatite prisutni da se spasat.
Vo požarot životot go izgubil i policaec od Probištip koj večerta bil na dolžnost vo diskotekata, soopšti ministerot za vnatrešni raboti Panče Toškovski. Za četiri lica raspišana e poternica, a isto taka odredeni lica se privedeni.
Vo kritična sostojba ima 22 lica, del od ovie lica ḱe bidat preneseni so avion vo Turcija, Bugarija, Grcija.
-„Denes Makedonija plače, ama odgovornost ḱe ima za sekoj eden od korumpiranite, neodgovornite i sekoj eden koj što ima direktno ili posredno vlijanie za ovoj krivičen nastan“, – izjavi ministerot za vnatrešni raboti, Toškovski.
Toj otkri i deka za nesreḱata se osomničeni poveḱe od 20 lugje, a okolu 15 se privedeni. Del od osomničenite za predizvikuvanje na ovoj krivično praven nastan se megju zaginatite, a del se vo bolnica, izjavi ministerot.
Spored najnovite infrmacii se očekuva Vladata da donese odluka za 7 dnevna žalost poradi tragedijata vo Kočani.
Najaveno e i donesuvanje na zaklučok za itna i vonredna inspekcija na site noќni klubovi, diskoteki i restorani prireduvači na zabavi.
Redakcijata na Svet-Australia.com isto taka izrazuva najdlaboko i najiskreno sočuvstvo za nenadomestlivata zaguba na semejstvata na počinatite, a na povredenite im posakuva što pobrgu i uspešno zakrepnuvanje.
Biba KRNČESKA
