Koga muzikata ima tradicija, koga pesnata ima duša, a scenata ima istorija, togaš imeto e samo edno – „Ohrid Fest – Ohridski trubaduri“.
Pod svetlata na najubavata festivalska scena pokraj Ohridskoto Ezero, odbrojuvanjeto do 33-toto izdanie na najpoznatiot i najdolgovečen leten muzički festival vo Makedonija veḱe započna.
Trieset i tri godini „Ohrid Fest“ e mesto kade što se sozdavaat muzički spomeni, se ragjaat hitovi i se ispišuvaat edni od najubavite stranici od makedonskata muzička istorija. Tradicionalno, festivalskata prikazna započnuva so Večerta na makedonskata folk muzika – večer posvetena na pesnata što gi čuva našite koreni, ja raskažuva našata prikazna i go prenesuva duhot na makedonskata tradicija od generacija na generacija.
I ovaa godina scenata na Dolni Saraj ḱe bide domaḱin na najdobrite pretstavnici na makedonskata folk muzika. Pred ohridskata publika ḱe nastapat: Pero Hristov, Kate Brezeva i grupa Sonata, Elena Andonovska, Miško Krstevski, Smilja Mitrevska, Blagica Kaleva, Goran Todorovski, Aneta Ljumakovska i Aneta Bend, Dragan Nikolovski – Dace, Petar Nečovski, Ivana Serafimova, Angela Vlintovska… i ušte mnogu poznati muzički iminja koi so svoite novi pesni ḱe vnesat svežina vo sovremenata makedonska muzička scena.
Vo večer ispolneta so iskreni interpretacii i novi muzički prikazni, publikata ḱe ima možnost da prosledi premierni izvedbi i kompozicii koi ḱe go prodolžat bogatoto muzičko nasledstvo sozdavano niz poveḱe od tri decenii postoenje na festivalot.
Posebna težina na festivalot i ovaa godina mu dava direktniot televiziski prenos na Makedonskata radio-televizija, dolgogodišen mediumski partner na „Ohrid Fest“. Blagodarenie na nacionalniot servis, festivalskata atmosfera od Ohrid ḱe stigne do domovite na gledačite niz celata država. Pokraj MRT, festivalot ḱe bide emituvan i na poveḱe renomirani televiziski kuḱi od regionot, megju koi Hajp televizija od Srbija, Televizija Crna Gora, Hajat televizija od Bosna i Hercegovina i CMC televizija od Hrvatska, dodeka vo tek se razgovori za vklučuvanje i na muzičkata televizija Balkanika od Bugarija.
Niz festivalskata večer publikata ḱe ja vodi prepoznatlivoto televizisko lice Irena Spirovska, čija profesionalnost, harizma i pozitivna energija so godini se del od prepoznatliviot festivalski ambient.
I po 33 godini postoenje, „Ohrid Fest – Ohridski trubaduri“ ostanuva veren na svojata misija – da bide most pomegju tradicijata i sovremenosta, pomegju iskusnite umetnici i mladite muzički nadeži, pomegju makedonskata pesna i publikata koja ja saka.
Zatoa i ova leto site patišta povtorno vodat kon Ohrid. Bidejḱi postojat festivali koi se posetuvaat, no postojat i festivali koi se pametat. „Ohrid Fest 2026“ – tamu kade što pesnite stanuvaat spomeni.
Biba KRNČESKA
