Pola vek posvetenost, disciplina i ljubov kon muzikata – oboistot Vasil Atanasov godinava odbeležuva značaen 50-godišen jubilej od svojata umetnička kariera, zaokružen so dva svečeni koncerti vo Strumica i Skopje.
„Kako da beše včera koga sè započna vo Štip, vo srednoto muzičko učilište“, se prisetuva Atanasov, čie muzičko patešestvie prodolžuva na Fakultetot za muzička umetnost vo Skopje, za veḱe vo 1980 godina, po uspešno položena audicija, da stane del od Makedonska filharmonija kako stipendist i vednaš da bide naznačen za prv oboist – solist. Na ovaa pozicija ostanuva celi četiri decenii, gradejḱi impresivna kariera ispolneta so nastapi niz poranešna Jugoslavija, Evropa i svetot. Vo tekot na svoeto dolgogodišno tvoreštvo, Atanasov realiziral bezbroj koncerti, festivali i muzički manifestacii, interpretirajḱi dela od site epohi, so osoben akcent na makedonskite avtori. Negovata umetnička aktivnost opfaḱa nastapi vo različni formacii – od solistički izvedbi, preku kamerni sostavi, do simfoniski i operski orkestri.
Zad sebe ostava i bogat diskografski opus, so LP izdanija i šest kompakt-diska, kako i poveḱe od 2000 minuti snimena klasična muzika vo Makedonska radio-televizija, no i vo drugi žanrovi – od festivalska i detska muzika, vklučitelno i nastapi na Zlatno slavejče, do folklor.
„Sè što možev da realiziram vo ramki na moite možnosti – uspeav i zadovolen sum“, istaknuva umetnikot, koj pokraj izveduvačkata dejnost, 36 godini se posvetuva i na pedagogijata, rabotejḱi so mladi talenti vo muzičkite učilišta i na fakultetot. Negovite učenici denes se dobitnici na brojni nagradi i del od vodečkite muzički iminja kaj nas i poširoko.
So osobena blagodarnost kon svoeto semejstvo za bezrezervnata poddrška, no i kon dolgogodišnite sorabotnici – pijanistite Jagoda Treneska Cvetičanin, Todor Svetiev i Katerina Kostadinovska Gelebeševa – Atanasov ja upatuva svojata pokana do publikata:
„Ve pokanuvam na koncert i zaedničko druženje so mene i moite prijateli, so koi ḱe ja zaokružam mojata umetnička kariera – vo mojot roden grad Strumica, vo ponedelnik na 27 april, i vo Skopje, vo vtornik na 28 april. Blagodarnost do site kolegi, sorabotnici, prijateli i mojata verna publika. Ve očekuvam – se gledame!“
Jubilejnite koncerti na Vasil Atanasov pretstavuvaat retka možnost publikata da bide del od edno značajno muzičko poglavje, vo čest na umetnik koj ostavi dlaboka traga vo makedonskata muzička scena.
Biba KRNČESKA
