Novata kompozicija na Vlado Kalembar „Ne plači bejbe“ doagja kako vistinsko osvežuvanje na regionalnata muzička scena, nosejḱi ja onaa prepoznatliva emocija koja so decenii ja osvojuva publikata. So topol vokal, nostalgija, iskrena interpretacija, prepoznatliva emocija i vnimatelno izgradena muzička prikazna – tokmu ona što publikata so godini go očekuva od ovoj poznat balkanski šmeker.
Ovoj pat, legendarniot vokal ja spoi svojata energija so makedonski muzički tim i rezultatot e pesna što lesno vleguva pod koža. Muzikata ja potpišuva renomiraniot i nadaleku poznat kompozitor Grigor Koprov, a aranžmanot e delo na Vladimir Dojčinovski – Dojčin. Za tekstot se pogriži Saša Dragiḱ, koj vnese ednostavna, no silna prikazna što sekoj može da ja počuvstvuva na svoj način.
Kako što otkriva Koprov, pesnata se rodila sosema prirodno – vo opuštena atmosfera, za vreme na zaednička sredba. Kalembar slušnal del od kompozicijata i bez mnogu razmisluvanje vednaš rekol „ova e toa“. Sleduva brz dogovor, studio i snimanje – i eve ja denes, „Ne plači bejbe“ podgotvena da ja osvoi publikata.
Snimanjeto se odvivalo vo studioto na Koprov, a spored najavite, naskoro ḱe pristigne i video spot koj dopolnitelno ḱe ja zaokruži prikaznata.
Pesnata veḱe se vrti po nacionalnite i regionalni radiostanici širum Makedonija i Balkanot.
No, tuka ne završuvaat novostite. „Srebreni krilja“ zaedno so Kalembar ḱe bidat del od godinašnoto, 33-to izdanie na „Ohrid Fest – Ohridski trubaduri“, koe ḱe se održi na 26 i 27 avgust. Ovoj festival tradicionalno sobira golemi iminja od regionot, a i ovaa godina vetuva silna muzička programa.
Ona što dopolnitelno ja razgoruva vozbudata kaj publikata e ogromnata želba i najava deka Vlado Kalembar i „Srebreni krilja“ razmisluvaat za golem besplaten koncert na Antičkiot teatar vo Ohrid. So iskrena želba da ì podarat na makedonskata publika nezaboravna letna večer, ova bi možel da bide nastan ispolnet so emocii, nostalgija i bezvremenski hitovi – tokmu na mesto koe samo po sebe nosi i zrači so posebna energija i magija. Ako sè se realizira kako što e planirano, ova leto Ohrid nema samo da bide turistički centar – tuku i scena za emocii, muzika i vistinska balkanska energija.
„Ne plači bejbe“ veḱe go najavuva toa.
Biba KRNČESKA
