“Malite dela na dobrina možat da go promenat svetot mnogu poveḱe od golemite zborovi“ – so ovaa poraka Bojana Skenderovski spodeli značaen moment od svojot život i kariera. Od včera taa i oficijalno ja prezede ulogata ambasador na humanosta na Domot za deca bez roditeli „11 Oktomvri“, otkako beše potpišan memorandum za sorabotka so direktorkata na ustanovata.
Ova partnerstvo ima za cel da ja podigne svesta za potrebite na decata bez roditelska griža i da pottikne pogolema poddrška od javnosta. „Kakov den i kakva privilegija za mene… Najvažno od sè, tie dečinja koi dojdoa da se zapoznaeme denes se potpišaa vo moeto srce. Si vetivme deka zaedno ḱe pokažeme deka ne se sami i ḱe ja napravime nivnata idnina posigurna“, veli Bojana, naglasuvajḱi deka iako Domot sega funkcionira vo poinakov model i ponatamu ima potreba od poddrška, osobeno koga stanuva zbor za zgrižuvanje i sozdavanje podobri uslovi za rast i razvoj na decata. „Sè ušte nema dovolno zgrižuvači i potrebno e da se krene glasot. Zatoa ja prifativ ovaa uloga, da bidam nivniot glas. Ḱe učestvuvam vo nivnite aktivnosti, ḱe gi posetuvam dečinjata, ḱe bidam del od nivnite priredbi, ḱe im pomagam i ḱe apeliram za pogolema poddrška. Potrebni se donacii od različen vid, od, na primer, pomoš za segašnite maturantite do poddrška za nivno ponatamošno obrazovanie, kako i možnosti za razvoj na talentite na dečinjata“, istakna taa. Skenderovski veli deka bila prečekana so toplina i iskreni emocii, so prigodna svečenost organizirana od decata i vrabotenite.
„Mnogu pregratki, po nekoja solza i mnogu ljubov toa e najsilniot vpečatok što go nosam. Ogromna čest i privilegija e da se bide del od ovaa prikazna. Ḱe uživam vo sekoj moment od ovaa sorabotka i navistina sum privilegirana i ogromna e česta što mi ja dodelija ovaa prekrasna uloga da bidam ambasador na humanosta na Domot za deca bez roditeli „11 Oktomvri““, porača Bojana, dodavajḱi deka so ovaa inicijativa se ispraḱa silna poraka do javnosta deka decata bez roditelska griža ne se sami i sekoj može da pridonese za nivnata posigurna i posreḱna idnina.
Biba KRNČESKA
