Festivalot na detska pesna „Raspeano detstvo“, što se održuva vo Kumanovo e eden od najstarite naši detski festivali zatoa što negovite muzički početoci datiraat ušte od dalečnata 1976 godina, koga za prvpat beše organiziran od togašnata Kulturno-prosvetna zaednica.
Niz godinite festivalot minuvaše niz različni fazi, so pokratki i podolgi pauzi, a zad negovata realizacija stoeja institucii kako Domot na pioneri, Centarot za detsko tvoreštvo i Centarot za kultura.
Vo izminatite pet do šest godini, organizacijata ja prezede Združenieto za umetnost, kultura i zaštita na kulturno nasledstvo „Etno Riznica“ od Kumanovo, pod čie vodstvo godinava ḱe se održi 21-voto izdanie.
Tokmu vozobnovuvanjeto na festivalot od strana na „Etno Riznica“ pridonese „Raspeano detstvo“ povtorno da go zazeme svoeto zasluženo mesto na kulturnata mapa, steknuvajḱi nova popularnost i kontinuitet kako del od programata na Opština Kumanovo.
I ovaa godina mediumski pokrovitel ostanuva nacionalniot servis – Makedonskata radio televizija.
Vo svojata bogata istorija, festivalot bil scena za brojni renomirani avtori od makedonskata muzička scena, megju koi Miodrag Mičo Božinovski, Stojan Tarapuza, Zijadin Ismaili, Srekќo Popovski, Stojadin Ivanovski – Dine, Nenad Džambazov, Gorjan Stojanovski, Risto Samardžiev, Cane Petrov, Igor Trajkovski, Bobi Petkovski, Snežana Nikolovska, Goran Mihajlovski, Vesna Bojkovska i mnogu drugi.
So noviot organizaciski pristap, festivalot dobi i megjunarodna dimenzija, vospostavuvajḱi sorabotka so srodni nastani od regionot.
Godinava se očekuvaat učesnici od Srbija, dodeka vo prethodnite izdanija nastapija gosti od Bugarija, Crna Gora, Albanija, Kosovo i Hrvatska.
Voedno, mladite talenti od Kumanovo i Makedonija blagodarenie na ovie sorabotki redovno gostuvaat na festivali vo sosedstvoto, od kade se vraḱaat so značajni priznanija i nagradi.
Ovogodinešnoto izdanie ḱe se održi na 24 april (petok) so početok vo 18 časot, vo golemata sala na Centarot za kultura „Trajko Prokopiev“ vo Kumanovo.
Na scenata ḱe bidat izvedeni 15 novi kompozicii, sozdadeni od dvaesetina avtori – fakt koj garantira raznovidnost i visok kvalitet na muzičkata ponuda.
Site podgotovki se veḱe finalizirani, a organizatorite najavuvaat ušte edno spektakularno izdanie ispolneto so detska radost, muzika i talent.
Onie što nema da bidat vo možnost da prisustvuvaat, festivalot ḱe možat dopolnitelno da go prosledat na programata na Makedonskata radio televizija, kako i na YouTube kanalot na „Etno Riznica“, kade se dostapni i snimki od prethodnite izdanija, kako i nastapi na mladite učesnici na domašni i megjunarodni sceni.
Biba KRNČESKA
