Po povod značajniot jubilej – 30 godini od postoenjeto na Opština Novaci, so svečen nastan beše oddadeno priznanie na poedinci koi ostavile traen beleg vo kulturniot i opštestveniot život. Megju nagradenite, posebno vnimanie privleče priznanieto od oblasta na kulturata dodeleno na avtorot Zlate Angelovski, za negovata namenski komponirana pesna posvetena na Novaci.
Stanuva zbor za muzičko delo koe ja slavi tradicijata, duhot i identitetot na ovoj pelagoniski kraj, a koe na scenata go oživeaja Goran Kukiḱ i Lenče Kukiḱ, so vpečatliva interpretacija što vnese dopolnitelna emocija i avtentičnost vo kompozicijata. Muzikata e delo na Angelovski, tekstot go potpišuva Valentin Soklevski, dodeka aranžmanot e na Goran Kukiḱ – kreativen tim koj uspea da sozdade pesna što veḱe se prepoznava kako simbolična posveta za opštinata.
Vo svojata izjava, avtorot Zlate Angelovski so vidliva blagodarnost se osvrna na priznanieto, istaknuvajḱi deka idejata za pesnata proizlegla od lična inspiracija i dlaboka povrzanost so rodniot kraj.
„Bidejḱi poteknuvam od selo Bač i pripagjam pod Opština Novaci, sosema prirodno dojde inspiracijata da sozdadam edna vakva folk melodija, vo duhot na narodniot melos. Pesnata se rodi vo leten period, po polnoḱ, koga razmisluvav koj interpretator bi možel da ì dade vistinski život, bidejḱi vakov tip na kompozicija ne mu ‘leži’ na sekoj pejač“, veli Angelovski. Toj dopolnuva deka klučen moment vo sozdavanjeto bil razgovorot so tekstopisecot Valentin Soklevski, so kogo zaednički došle do idejata pesnata da bide posvetena tokmu na Novaci. Izborot na izveduvači, pak, ne bil slučaen. „Goran go izbrav bidejḱi smetav deka za vakva pesna e potreben cvrst, energičen maški vokal, a so pridružba na Lenče kako ženski vokal, kompozicijata dobi posebna boja i originalnost. Nivnata izvedba navistina ja zaokruži pesnata“, istaknuva avtorot, dodavajḱi deka so dvajcata umetnici go vrzuvaat dolgogodišni profesionalni i prijatelski relacii. Snimanjeto na pesnata se odvivalo vo studioto na Goran Kukiḱ vo Strumica, a konečniot rezultat, spored Angelovski, gi nadminal očekuvanjata.
Govorejḱi za priznanieto, toj naglasuva deka nagradata pristignala neočekuvano, no za nego pretstavuva golema čest i potvrda za dolgogodišniot trud.
„Imam učestvuvano na brojni folk revii i festivali niz Pelagoniskiot region i poširoko, kako ‘Zlatni glasovi’ vo poveḱe opštini, no i drugi manifestacii, zaedno so eminentni iminja od makedonskata folk scena. Vo tekot na karierata sum dobil mnogubrojni plaketi i priznanija, kako izveduvač i kako muzičar, no ova priznanie od mojata opština ima posebna težina“, veli Angelovski.
Toj potsetuva i na svoeto muzičko obrazovanie, završeno vo Bitola, na teoretskiot oddel za muzika, vo klasata na profesorite Petar Sidovski i Snežana Hristovska Markovska, kako i na svoeto dolgogodišno iskustvo kako sorabotnik so brojni muzički grupi i bendovi.
Jubilejot na Opština Novaci ušte ednaš pokaža deka kulturata i umetnosta se temelni vrednosti koi ja gradat lokalnata zaednica, a delata kako ovaa pesna ostanuvaat traen zapis za identitetot i dušata na edno mesto. Priznanieto za Zlate Angelovski, pak, pretstavuva zaslužena potvrda za negoviot pridones vo začuvuvanjeto i afirmacijata na makedonskiot naroden melos.
Biljana KRNČESKA
