Jovanka Jo e edna od retkite naši pejački na koi i telefonski imenik da im dadete — ḱe go otpeat maestralno. Pred sè poradi živata emocija što izvira od nejzinoto grlo, potoa poradi toplata i prepoznatliva boja na glasot, no i poradi besprekornata intonacija so koja prirodno e nadarena.
Tokmu zatoa, žanrovskite ramki nikogaš ne bile ograničuvanje za nea. Vo toj duh, neodamna napravi mal, no vpečatliv „izlet“ vo pop vodite, pretstavuvajḱi ja svojata najnova pesna „Ljubov za tri životi“.
Pesnata e kompletno avtorsko delo na Eftimija Jovanova — prepoznatlivo ime od festivalskata scena i značajna alka na Makfest. So ogled na ovaa sorabotka, ne bi bilo iznenaduvanje dokolku Jovanka Jo godinava ja vidime i na makfestovskata scena.
„Ljubov za tri životi“ e pitka i lesno pevliva kompozicija, na koja Jovanka Jo ì vdahnuva silna i iskrena emocija.
Muzičkiot izraz e suptilen, no dovolno vpečatliv, dodeka videospotot nosi estetika što potsetuva tokmu na Makfestovskiot senzibilitet.
Promocijata na pesnata i spotot se sluči vednaš po praznikot na ženite, što simbolično se nadovrzuva na samata tematika. Pesnata govori za ženskata emocija, za stravot od priznavanje na ljubovta, no i za vnatrešnata borba pomegju srceto i razumot.
Jovanka Jo i ovoj pat e na visina na zadačata — interpretacijata e sugestivna, uverliva i lesno dopira do slušatelot. Pesnata zvuči šlagerski i ima potencijal da stane del od nejzinata ambiciozna muzička agenda koj uspešno ja gradi po učestvoto vo „Nikogaš ne e docna“.
Sepak, pred nea stoi važen predizvik — da ne ostane „pomegju“ žanrovite.
Iako muzikata ne poznava granici, publikata saka jasen identitet.
Dali Jovanka Jo e pop, folk ili možebi nešto treto — toa e prašanje na koe so vreme treba da dade odgovor, bidejḱi tokmu preku toj identitet publikata najsilno se povrzuva so umetnikot. Zatoa, ostanuva nadežta deka ovaa pesna e samo kratok pop-izlet, a deka pejačkata ḱe ostane dosledna na folk scenata, kade veḱe ima izgradeno prepoznatlivo mesto.
Ne bi bilo iznenaduvanje povtorno da ja vidime na festivali kako „Folk Fest Valandovo“, „Lešočkiot festival“ ili „Tumba Fest“. Ubavo e koga umetnikot eksperimentira i ja iznenaduva publikata, no ušte považno e da ima svoe „pristanište“ — muzička baza kade prirodno pripagja.
Na kraj — slušnete ja „Ljubov za tri životi“ i prepuštete se na refrenot što lesno vleguva vo uvo i dolgo ostanuva tamu. Jovanka Jo znae kako da ve osvoi zatoa uzivajte…
Biba KRNČESKA
