Po deset godini pauza, povtorno vo Prilep započna so rabota eden od najprepoznatlivite muzički simboli na gradot – Prilepskiot duvački orkestar.
Vozobnovuvanjeto na orkestarot se realizira so početna logistička i finansiska poddrška od Opština Prilep, vo soglasnost so možnostite i programskite aktivnosti na novooformeniot sostav.
Prviot javen nastap na vozobnoveniot Prilepski duvački orkestar ḱe bide vo ramki na karnevalot „Pročka 2026“, dodeka programata na orkestarot ḱe se temeli na originalnost i raznovidnost.
Dejan Prodanoski, gradonačalnikot na Opština Prilep, prisustvuvaše na prvata proba na vozobnoveniot orkestar i istakna deka Prilep kontinuirano investira vo kulturata i vo začuvuvanjeto na lokalniot kulturen identitet. Pritoa, toj istakna golemo zadovolstvo na faktot što po desetgodišen prekin, Gradskiot duvački orkestar povtorno e aktiven i ḱe bide sostaven od mladi, profesionalni i talentirani muzičari od Prilep, koi prodolžuvaat tradicija podolga od eden vek.
Prilepskiot duvački orkestar privremeno ḱe gi održuva svoite probi vo prostoriite na OOU „Blaže Koneski“, a vo momentov broi 14 akademski obrazovani mladi muzičari od Prilep.
Kako del od idni aktivnosti, vo repertoarot na orkestarot se vbrojuvaat učestvo na gradskite praznici, svečenosti i kulturni manifestacii.
Gradot Prilep, so poveḱe prekini niz godinite, posleden pat imal aktiven gradski duvački orkestar do 2015 godina, iako tradicijata na vakvi orkestri e deceniska.
Prviot prilepski duvački orkestar bil formiran vo 1924 godina, a vo 1930 godina bil osnovan prviot pogolem orkestar od okolu 20 členovi, sostaven od limeno-duvački instrumenti, formiran od železničarite i železnicata, pod dirigentstvo na Gjorgji Šabanoski – Šabanče. Vo podocnežniot period, so odredeni prekini, gradskiot duvački orkestar funkcioniral sè do 2015 godina, pri što značaen pridones vo razvojot i začuvuvanjeto na ovaa tradicija dal Ilija Jančuleski, koj so generacii muzičari ja održuval ovaa kulturna vrednost.
Biba KRNČESKA
