Najpoznatiot makedonski tribjut bend „Belo Kopče – Tribute Bijelo Dugme“, predvoden od poznatite muzičari Stevče Grozdanov – gitara i pejačot Zoran Rudan – Ceki, vo četvrtokot na 30 januari vo skopskiot mjuzik bar „Intermeco“, priredija nezaboravna noḱ za pametenje.

Dosega „verno na originalot“ i so muzika i so izgled i so svojot scenski nastap go preslikuvaa najgolemiot rok en rol bend na site vreminja na ovie prostori, a odneodamna i so sopstvena avtorska muzika, čij start go odbeleža nivnata prva pesna i videoto za nea, naslovena kako „Suvenir iz Sarajeva“, što so videospotot beše promovirana pred makedonskata publika na najdobro možen način.

Pred prisutnite gosti vo noḱniot klub, prijatelite, sorabotnicite, kolegite i pretstavnicite od makedonskite mediumi, promotorot na iventot, poznatiot makedonski muzički novinar i TV voditel Antonio Dimitrievski prisutnite gi zapozna so detalite za prvoto avtorsko čedo na bendot i videospotot za nego.

Muzikata e na stariot proveren majstor i hit mejker Saša Dragiḱ, tekstot go napišal Vladimir Mitroviḱ, a aranžmanot go napravil Stevče Grozdanov.

Pesnata e snimena vo studioto „Celofan“ vo Skopje, dodeka miksot i masteringot gi napravil Goran Gešovski.

Na pesnata sovršeno se nadovrzuva ednostavnoto, no mošne funkcionalno video vo koe pokraj členovite na bendot se pojavuva poznatata makedonska akterka Katerina Šehtanska, kako fotografkata na grupata vo videoto, koe go potpišuva AleXanDeR, psevdonim zad koj se krie imeto na poznatiot makedonski muzičar i režiser na videospotovi, Aleksandar Ristovski Princ.

Kako što kaža i samiot moderator na nastanot, pesnata ne slučajno e izbrano da go nosi toj naslov, kako što ne e slučaen nitu izborot da bide otpeana na jazik koj go razbiraa poširokiot eks JU region, zašto „Belo Kopče – Tribute Bijelo Dugme“ imaat cel tokmu nego da go osvojuvaat.

Prvite nastapi nadvor od Makedonija na razni motordžiski sobiri i drugi rok iventi se veḱe tuka, kako i onoj neodamna vo Saraevo, vo noḱniot klub „Sloga“, kultnoto mesto kade što i samite „Bijelo dugme“ go imale svojot prv nastap.

Što se odnesuva do samata pesna, muzički celata oddava ambient na pročuenata saraevska škola od sredinata na 70-ite do krajot na 80-ite, koga na pročueniot saraevski roken en rol mirisaše celata eks Ju scena, pa i celiot Balkan.

Tokmu so takov senzibilitet, so taa nota na vdahnovenost i šmek koj potsetuva na tie ubavi vreminja diše i prvata pesna na „Belo Kopče“.

Da e nekoe drugo vreme, slobodno bi možela da bide nova pesna na nekoi od spomenatite bendovi, vklučuvajḱi go i samoto „Dugme“.

Muzički perfektno otsvirena, pejački Ceki ja vmetnal celata ekspresija koja ja poseduva od vlijanijata na golemite pejači kako Bebek, Tifa ili Alen, no kako što i samiot odgovori na prašanjeto na voditelot, najmnogu se potrudil da i vdahne i svoj duh i sopstvena emocija, što na pesnata i dava dopolnitelna svežina koja ja pravi bliska i za novite deca…  

Po prezentacijata na videozapisot, bendot ja otsvire „Suvenir iz Sarajeva“ premierno i vo živo, no vistinskata rok en rol „kopče-dugme“ zabava doprva ḱe sleduva, otkako bendot po kusata pauza za kostimiranje se vrati na scenata, za potoa vo dva i pol časa živa svirka na prisutnite da im priredi vistinsko audiovizuelno uživanje „za site pari“.

Stevče, Ceki, Bobi i družinata „gi prošetaa“ prisutnite vo klubot niz site fazi na „Bijelo dugme“ svirejḱi gi i bukvalno „verno na originalot“ nivnite nezaboravni hitovi.

Muzička ekskurzija niz starite dobri vreminja, navraḱanje na spomenite koga caruvaa vistinskite vrednosti i vo životot i vo rok en rolot, atmosfera polna so emotiven naboj i fitbek od publikata koja vo eden glas gi peeše site pesni zaedno so grupata, koja pak „ostavi srce na binata“ za da ja napravi i sopstvenata promocija i taa večer na publikata – nezaboravna.

A publikata si zamina doma prezadovolna, emotivno ispolneta, so „suvenir vo dušata“ od večerta na koja dolgo ḱe se seḱava!

Biba KRNČESKA

Foto: Jovanka Grozdanovska – Vangel Tanurovski…


POSTAVI ODGOVOR

Please enter your comment!
Please enter your name here
Pre slanja komentara molimo Vas da pročitate sledeća pravila