So dve svečeni koncertni večeri vo čest na 8 Mart – Denot na ženata, duoto Dac i Aleksandar na 6 i 7 mart ḱe ja osvoi scenata na Makedonski Naroden Teatar so proektot „Damite biraat“.
Milenicite na ženskata publika podgotvuvaat vistinski muzički spektakl posveten na ženata – nejzinata sila, nežnost, emocija i inspiracija.
Koncertite se zamisleni kako celosno scensko doživuvanje vo koe muzikata ḱe gi spoi minatoto i segašnosta, tradicijata i sovremeniot izraz.
So poddrška na bendot „Drim Tim“, specijalni gosti i vnimatelno osmislena programa, Dac i Aleksandar vetuvaat večeri ispolneti so ljubov, toplina i elegancija. Nastanot ḱe započne so pijalok za dobredojde vo foajeto, a po koncertot publikata ḱe ima možnost da uživa vo gala koktel i druženje so artistite.
Biletite za dvata koncerti na Dac i Aleksandar se celosno rasprodadeni, što go potvrduva golemiot interes i netrpenieto na publikata za ovie svečeni večeri…
Vo znakot na ženata ḱe bide i koncertot na makedonskiot pop-izveduvač Joce Panov, koj vtora godina po red ḱe nastapi vo prestižnata sala na Makedonska filharmonija. Koncertot e zakažan za 18 mart, a doagja na baranje na publikata po uspehot od minatogodišniot nastap.
Od timot na Panov informiraat deka podgotovkite se odvivaat so zasileno tempo i deka se vnimava na sekoj segment – od izborot na repertoar i novite aranžmani, do scenskata produkcija.
Publikata ḱe ima možnost premierno da gi slušne i negovite dve novi pesni, „Ženo vistinska“ i „Alkatraz“, so što koncertnata večer ḱe dobie i ekskluzivna nota.
Mart, mesecot koga prirodata se budi, godinava ḱe bide oboen so muzika i silna poraka za počit i blagodarnost kon ženata.
Dvata koncerti – i vo MNT i vo Filharmonija – se posveteni na damite, kako simbol na ljubovta, inspiracijata i poddrškata što ja nosat vo opštestvoto. Organizatorite najavuvaat večeri ispolneti so muzika, emocii i toplina, kade sekoja nota ḱe ja slavi ženata i nejzinata magija.
Kako što veli Ntozake Šange, „Kade što ima žena, ima magija“ – a tokmu taa magija ḱe blesne na skopskite sceni ovoj mart.
Biba KRNČESKA
