Mnogumina gi pametat kako duo „Koktel“ koi vo početokot na 90-tite vo naplivot na novata makedonska muzička scena i erupcijata od hitovi imaa tokmu eden golem takov hit, nasloven „Sluga i car“ vo čie video togaš glavnata uloga ja imaše togaš atraktivnata misica i manekenka, kumanovkata Marija Raduloviḱ, koja za žal, ne e poveḱe megju nas. No, zatoa Stevče Grozdanov i Blaže Temelkov, muzički iminja koi i se dobro poznati na makedonskata muzička javnost, za 30 – godišnina od postoenje na bendot rešija da pravat kam bek pod istoto ime i toa so nova pesna.
Ako svoevremeno imaa duet so Blagica Pavlovska, pa duri i album izdaden vo 1994 godina za Muzičko-kasetnata produkcija na MRT, sega na scenata se vraḱaat muzički mnogu pozreli, no i mošne posveži zašto nivniot „Koktel“ sega sodrži emocii i strasti so urban šmek za srcebienje sto na čas, ogledani vo nivnata nova pesna „Kade ti tamu jas“.
Navidum ednostavna, no mošne pevliva tema, koja vo mnogu što „mirisa“ na starite dobri eks-JU hitovi koi i den denes gi peat site generacii, a od druga strana moderno arnžersko-producentski „ispeglana“, onakva kakvi što denes vo eden glas gi pee publikata vo prepolnite sali pri gostuvanjeto na poznatite zvezdi.
Očigledno „Koktel“ ja imaat formulata kako da gi spojat generaciite i nivnite muzički afiniteti, pogoduvajžḱi vo sržta na želbite na site…
Da potsetuva na ona staroto od ubavite vreminja, a da korespondira so novoto, urbanoto i modernoto koe ḱe ja zaintrigira i pomladata populacija. Pesna što pretendira da im se dopadne i pokrene i ednite i drugite, kako što simbolično kažuva i samiot naslov – „Kade ti, tamu jas“!
Muzikata i tekstot se delo na pejačot Blaže Temelkov, aranžmanot na gitaristot Stevče Grozdanov koj osven programiranjeto zaedno so Zlatko Simeonski-Zeko ja snimal i miksal pesnata, čij mastering go izrabotil Goran Gešovski. Pridružnite vokali gi pee Emilija Gievska.
„Kade ti tamu jas“ e vizuelizirana so urban videospot, vo koj provejuvaat kadri od sodržinata na prikaznata što ja nosat stihovite na pesnata vo koi se isprepletuvaat želbata, kopnežot, strasta i emociite, vtkaeni vo noḱnata šema i nastapot na bendot.
Vo videoto pokraj členovite na „Koktel“ glavnata ženska uloga ja ima atraktivnata ubavica, modelot Dragana Janevska.
Pokraj dvajcata glavni členovi Blaže Temelkov (vokal) i Stevče Grozdanov (gitara), vo pridružnata grupa clenuvaat ušte i Goran Gešovski (bas), Borislav Draganov (klavijaturi)i Emil Milev (tapani).
Ova e prva pilot pesna od novata era na „Koktel“ koj ima vo plan da prodolži da egzistira kako bend koj ḱe izdava ušte novi pesni kako i kompletno nov album, koj treba da izleze nekade naesen vo novata 2026 godina.
Dotogaš uživajte vo šmekot na starite dobri vreminja vtkaeni vo novata pesna na „Koktel“ – „Kade ti tamu jas“ koja možete da ja prosledite vo videto vo prodolženie.
Foto: Youtube – printskrin/Koktel-Kade ti tamu jas
Biba KRNČESKA
