Fuzija na tradicijata, kulturata i zabavata Od 12 do 14 septemvri Gevgelija ḱe bide domaḱin na tretoto izdanie na festivalot „Vkusi go jugot“ (Taste the south).
Tradicionalna kulturno-zabavna manifestacija za promocija na Gevgelija, koja ne e samo običen tridneven muzički hepening, tuku prestavuva svoevidna fuzija na tradicijata, kulturata i zabavata i toa vo poveḱe segmenti.
Pod pokrovitelstvo na opština Gevgelija i godinava najjužniot grad vo Makedonija tri dena ḱe pulsira i živee vo duhot na ona što jugot go ima kako tradicija vo gastronomskata ponuda, na podgotovka na domašni specijaliteti podgotveni po tradicionalni recepti.
Podgotovkata na najpoznatiot makedonski brend – ajvarot, pravenjeto na nadaleku poznatoto slatko od gevgeliski smokvi, pečenjeto i podgotovkata na avtentičniot makedonski alkholen pijalak – mastika po originalni domašni recepti ḱe bidat samo del od predvidenite aktivnosti preku koi brojnite postetiteli od zemjata, no i mnoštvoto gosti od stranstvo ḱe možat da go počuvstvuvaat i nasladuvaat na avtentičniot „vkus na jugot“ na Makedonija.
Seto ova ḱe bide pridruženo so brojni štandovi na poznatite konzervni industrii koi ḱe gi ponudat svoite proizvodi, a lokalnite restorani i kafulinjata ḱe im go pružat tradicionalnoto gostoprimstvo i uslužat posetitelite i gostite, koi i godinava se očekuva vo ogromen broj da bidat prisutni na manifestacijata „Vkusi go jugot“ koja vo tri dena, na 12, 13 i 14 septemvri ḱe se održi na istata lokacija kako i lani – kaj noviot pazar vo Gevgelija. Vo nejzinite sodržini e predvidena i bogata kulturno-umetnička i edukativna programa koja ḱe ja zbogatat kulturno-umetnički društva i folk ansambli i solisti, tuka se školata za tapani, školata za gitara, školata za tanci, festivalot “Kalinka“ i ušte mnogu drugi, raznovidni sodržini za site vkusovi i vozrasti.
Sekako, večernite nastapi i koncerti na mnoštvoto mladi i sekako vnimatelno napraven izbor od najpoznati makedonski etno, pop i rok pejački zvezdi i bendovi se najatraktivniot del od programata, vo koi ḱe kulminira zabavata ispolneta so sodržini za site generacii.
Se’ na se’, vo tie tri dena vo Gevgelija ḱe ima što da se vidi, slušne i vkusi…Таа ќe bide gradot vo koj spojot na tradicijata, kulturata i zabavata ḱe dominiraat vo Makedonija.
Sekoj nejzin žitel, domašen gostin ili stranec što ima želba i možnost da dojde e dobredojden. Zatoa, dali sam, vo društvo ili so semejstvoto, poveli… „Vlezi vo krugot i vkusi go jugot“! Ili za strancite podobro da ne razberat: „Open your eyes, ears and mouth, welcome and… Taste the south“!
Biba KRNČESKA
