Kako višna na šlagot taka i krajot na letnata sezona go krunisuvame so “Ohrid Fest – Ohridski trubaduri”, festivalot za koj cela godina izvestuvame no i so netrpenie go očekuvame. Možebi zatoa i vozbudata na site nas hroničarite, mediumite, pasioniranite vljubenici vo pesnata, pa i izveduvačite ja dostignuva kulminacijata posledniot vikend koga se slučuva magijata na letnata scena vo “Dolni Saraj”, vo gradot što ja sozdava magijata zatoa što i sam e magija, vo večniot Ohrid.
A tamu kako po pravilo sekogaš ne dočekuvaat ubavi lugje, nasmeani zvezdi i mnogu veseli refreni ispeani od maestralni vokalisti.
Tokmu takov kvalitet ne dočeka vo prvata folk večer koja ponudi vistinska lepeza od novokomponirani melodii skroeni spored različni senzibiliteti na avtentični umetnici. Mnogu od niv zavrednuvaat vnimanie i zatoa mnogu od niv dobija nagradi, pa toj kvalitet do nekade ja opravduva odlukata na organizatorite da dodeluvaat tolku mnogu nagradi, što vo princip ne se praktikuva na festivalite, no kako što rekov apsolutno sekoj nagraden si ja zasluži nagradata.
Počnuvajki od nagradenata debitantka Sofija Purovska koja ja otpea pesnata “Belo zlato”, pa potoa nagradeniot za najdobra interpretacija Dragan Nikolovski- Dace, za preubavata pesna “Skršeni vesla” koja voedno ja ponese i nagradata za najdobar tekst, što go sročil tektopisecot Gjorgji Kalajdžiev, pa nagradata za najdobar aranžman što ja dobi Sašo Livrinski za pesnata “Bela košula” vo izvedba na Goran Todorovski, no i nagradata za najtrubadurska pesna “Čapkun, dete najgolem”, koja otide vo racete na vistinski prestavnici na ohridskata muzička škola, grupata “Čardak”, ama i našata novinarska nagrada koja ja dobi večniot boem no i večno raspoloženiot i nasmean šarmer, Nino Veličkovski za pesnata “Dušo moja Dušice”.
Nagradata “Ace Senator”, ja dobi pesnata “Samo ti” što za Jovanka JO ja sozdadoa avtorite Tomislav Kocevski – Pepsi i Goran Milošeski, a nagradata za najslušana pesna pomegju dva festivala ja odnese Petar Nečovski.
Žiri komisijata pak odluči umetničkite finesi da gi istakni vo preden plan pa taka tretata nagrada mu ja dodeli na Kiril Belistojanoski za pesnata “Zošto Bože”, koja ja izvede zaedno so avtorot Goce Džukleski -Džukle, a vtorata nagrada otide vo racete na Goran Todorovski koj imaše možebi najumetnička pesna “Košula bela”. Prvo nagradena ovaa godina žirito ja proglasi ubavata Ivana Serafimovska koja otepa baš moderno priemčiva i ubava pesna so vpečatliv nasov “Se mi se poznava” i dobi silni aplauzi kako od publikata taka i od svoite kolegi.
Publikata pak za svoi laureati gi izbra dvete dami što vo duet ja krunisa scenata, Blagica Pavlovska i mladata Žaklina Krstevska koi ja izvedoa pesnata “Potomka sum moma tatkova” i ja osvoija tretata nagrada od publika, a vtorata pak ja osvoi Tatjana Stefanovska za pesnata “Kako srce da izraduvam”. Prvo nagraden apsolutno zasluženo beše Miško Krstevski koj otepa hitovska pesna “Sonja”, so zarazen refren, pa vednaš site ja potpevnuvame, a Miško mošne vpečatlivo so soodveten stajling i šešir na glavata triumfalno poentiraše od scenata so zarazniot refren vo tra la la stil što site simpatično go povtoruvavme.
Interesen e falktot deka i onie pesni što ne dobija nagrada zaslužvaat istaknuvanje zatoa što bukvalno nijansite odlučuvaa koja pesna ќe se zakiti so nagrada.
Ednostavno dobrata selekcija na pesni i produkcijata na prvata folk večer i ovaa godina na umetničkiot direktor Ljupčo Sokolovski mu nosat visok rejting, odnosno go pravat vistinski selektor koj umee da sostavi šarenolika lepeza od vpečatlivi folk refreni.
Krajot na prvata folk večer beše spektakularno zaokružen so nastapot na folk divata Suzana Spasovska i večnoto momče Blagoja Grujovski koi bea zadolženi za show programot i animiranjeto na publikata, odnosno bea specijalni gosti vo revijalniot del na večerta.
Suze voedno ja izvede premireno i novata pesna što ja rabotela so nagradeniot avtor Goce Džukleski, “Nevesta Ohridska”, no dopolnitelno ispea ušte nekolku svoi pesni, pa so milozvučniot glas ja frli publikata vo sevdah dokažuvajќi deka nejzinoto biserno grlo e nenadminato koga e interpretacijata vo prašanje.
Blagoja Grujovski pak ja otpea nagradenata minatogodišna pesna “Noќva Ohrid ne spie” i so svojot mladeški duh ušte ednaš ja osvoi publikata koja uživaše vo negovata izvedba.
So eden zbor folk večerta, odnosno “Ohridskite trubaduri” i ovaa godina go opravdaa interesot no i famata što ja predizvikuvaat i potvdrija deka učestvoto na ovoj festival prestavuva čest i privilegija.
Nasito vpečatok i godinava e isklučitelno pozitiven koga stanuva zbor za folk refrenite i umetnicite koi se prestavija vo prvata festivalaska vecer, a za vtorata večer i se ona što ne zatekna vo Ohrid, vo slednoto prodolženie koe ќe go posvetime na internacionalnata večer i gostite od regionot.
Biba KRNČESKA
