Posle uspešniot, neodamnešen nastap na našata Ana Petan na vozobnoveniot kulten festival “Blegradska prolet”, nekako logično e od prva raka da gi čueme impresiite na mladata pejačka koja ima ogromen vokalen potencijal i koja so „Balada za anǵel“ predizvika ogromni ovacii kaj publikata. Nejzinata interpretacija beše oceneta kako sovršena, dobi gromoglasni aplauzi i ja sporedija so Maja Odžaklievska, taka što pesnata što ja potpišuvaat Grigor Koprov, Dušan Bačiḱ i Stefan Petanovski mnogu brzo stana edna od najslušanite na festivalot.
Toa beše odličen povod za koleškata Vanja Todorovska da ja kontaktira Ana i da go prenese nejzinoto doživuvanje od ovoj renomiran festival vo Srbija:
Stivnaa vpečatocite od festivalot „Belgradska prolet“, kade imaše možnost da bideš vo društvo na poznatite muzički iminja Jelena Tomaševiḱ, Goca Tržan, Ekstra Nena, no i pejački od eks ju- Vana, Jasna Gospiḱ… Velat deka trebaše da ja dobieš nagradata za interpretacija, no i bez nea si super. Vpečatoci?
– Mi beše čest i zadovolstvo da nastapuvam na „Belgradska prolet“, kade, slušnav, bile prijaveni 323 kompozicii, a se natprevaruvaa 19 pesni, od koi i mojata „Balada za anǵel“. Toa e odlična startna pozicija! Generalno se čuvstvuvav mnogu vozbudeno i gledav najmnogu što možam da uživam. No isto taka gi upivav site iskustva dodeka traeše festivalot i sekako se koncentrirav na mojot nastap. Golem festival i ubav grad, ova beše i moeto prvo odenje vo Belgrad – prekrasen grad so mnogu duša i mnogu ubava energija!
Koga izleze na scena, veruvam te ponesoa emocii…
– Podgotovkite za nastapot se odvivaa preku nekolku probi, megju drugoto imavme dve generalni probi što tečea brzo, ekspeditivno i denot pred nastapot beše mnogu produktiven. Koga izlegovme na scena, nemav premnogu trema, poveḱe beše pozitivna vozbuda. Sepak, samiot festival, pesnata, site tie golemi iminja, svečena atmosvera i soznanie deka ne si vo svojata zemja pa sakaš da bideš najdobar, mi napravi da treperam poveḱe od obično… Ama koga trgna prvata strofa, toa stivna i mene me ponese pesnata… Koga završi se, slušnav golemi aplauzi, prekrasni komentari što navistina mnogu me inspiriraat.
So brat ti Stefan, koj te pridružuvaše na scena, ste idealna muzička kombinacija. Veruvam, prodolžuvate zaedno i ponatamu?
– Stefan mi e najgolemiot stolb i poddrška vo životot za sè, i sum preradosna što sme zaedno vo ova iskustvo. Inaku pesnata „Balada za anǵel“ e na Grigor Koprov, tekst na Dušan Bačiḱ, a aranžmanot go praveše brat mi Stefan Petanovski. Prodolžuvame i ponatamu so mnogu interesni proekti.
Biba KRNČESKA
