Poradi golemiot interes na publikata, Jasmin Levi, golemata zvezda na world music scenata ja prodolžuva svojata balkanska turneja so koncert vo Skopje na 7mi april 2024 godina vo golemata sala na Makedonskata filharmonija.
Izveduvačkata na bezvremenskite hitovi: “Una noče mas”, ”Alegria”, ”Adio kerida”, za prv pat vo svojata kariera ḱe nastapi vo Makedonija, po golemite koncerti koi minatata godina gi održa vo Belgrad, Novi Sad, Banja Luka i Saraevo.
Site koncerti bea rasprodadeni vo rekorden rok i stanaa muzički nastani za koi najmnogu se zboruvaše izminatata godina.
Levi e rodena i izrasnata na Bliskiot istok, koj go opišuva kako vistinska mešavina od narodi i kulturi. Porasnala pod vlijanieto na mediteranskite kulturi, kako i na raznite muzički vlijanija od klasičnata muzika do sovremeniot džez koi uspešno gi obedinuva vo svojot unikaten umetnički izraz.
Otkako go osvoi svetot so pesnite i albumite “La Juredia”,”Mano Suave” i “Libertad”, slavnata umetnica raboti na objavuvanje na noviot album “Mujer” (Žena), od koj veḱe izveduva pesni na novite koncerti.
Vo interpretacijata, Levi go koristi svojot intenziven, moḱen i dramatičen vokal prosleden so muzika isprepletena so zvucite na flamenko, orientalni instrumenti i silni vlijanija od kulturata vo koja porasnala.
Sekoj nov koncert go započnuva so šegata „Koga bev mala, sakav da bidam Hulio Iglesijas, no poveḱe sreḱa sledniot pat“ (se smee).
I navistina, emotivniot pristap na sekoj nov koncert i načinot na koj što ovaa svetska muzička zvezda pee za tagata i životnite padovi, najdobro zboruvaat za nejzinite muzički idoli.
Lučano Pavaroti, Edit Pjaf, Bili Holidej se samo del od niv, a samata umetnica istaknuva deka strasno sluša stari flamenko-pejači kako što e Antonio Molina.
Nejziniot koncert e patuvanje niz najdlabokite emocii i spoj od različni svetovi i kulturi, niz muzikata koja taa ja doživuva kako most megju site lugje, a najmnogu megju sebe i publikata:
Se raduvam i se nadevam deka publikata ḱe mi se prepušti i ḱe mi veruva. Dozvolete mi da ve odvedam na poinakvo patuvanje od vašeto sekojdnevje … ḱe uživate! – poračuva Jasmin pred svojot prv koncert vo Skopje.
Koncertot na Jasmin Levi ḱe se održi na 7mi april vo salata na Makedonskata filharmonija, a vleznicite se pušteni vo prodažba od denes 15 fevruari, onlajn preku ticketx.mk.
Biba KRNČESKA
