Legenda e zbor koj mediumite go istrošija vo sekojdnevnata upotreba koristejќi go za soodvetni i nesoodvetni ličnosti na koi često sakaat da im pridadat pogolema dimenzija od onaa što ja imale, no postojat umetnici koi so apsolutna točnost go nosat toj prefiks koj ja oslikuva nivnata golemina. E, edna takva golema legenda beše i seušte posle deset godini od negovata smrt e Janko Uzunov, čovekot so večna nasmevka i Božja darbina za muzika, umetnikot koj makedonskiot duh go pretočuvaše preku notite, no i pedagogot što podučuvaše generacii i generacii talentirani deca vo svojata muzička škola “Uzun”.

Tokmu zaradi siot pietet kon negoviot lik i delo so zadovolstvo ja prifativ pokanata od negovata sopruga Žaklna da prisustvuvam na promocijata na knigata za nego “Janko Uzunov Toj!…siot beše muzika” od avtorkata Valentina Gjorgjievska Pargo, koja beše promovirana tokmu na negoviot rodenden vo restoranot “Maleševski merak” vo Skopje.

Žaklina Uzunova gorda na svojot mentor i soprug Janko Uzunov

Ušte koga ja dobiv pokanata so pojasnuvanjeto za kakov nastan stanuva zbor odlučiv da se upatam vo Skopje, zatoa što postojat ličnosti koi i koga ne se megju nas inspiriraat, a Janko seušte inspirira kako preku muzikata što ja ostavi vo amanet, taka i preku negovata ljubena Žaki i sinot koi na eden isklučitelno dostoinstven način go čuvaat negovoto delo od “zabot na vremeto”.

Sekade zaedno i na scenata vo životot Janko i Žaklina

Promocijata pak beše tolku ubavo i toplo osmislena što site prisutni se počustvuvavme kako doma, sofrata bogato naredena so meze i deserti ni ukažuvaše na sedenka vo koja opušteno se evociraa spomenite za Janko, a gostite i mediumite so zadovolstvo i se prepuštija na prikaznata što im ja raskaža avtorkata Vale (Valentina Gjorgievska Pargo) koja uspeala da ja inicira ovaa kniga i avtentično da ja prenese i sroči naracijata od negovoto semejstvo za fantastični dve nedeli. Slušajќi ja Vale i gledajќi ja Žaki koja go potvrduvaše nejziniot sesrden angažman svativ so kolkava splotena ljubov nastanalo ova delo, ovaa kniga koja site prisutni ja dobija na podarok so lična posveta od avtorkata- novinarkata Vale. Treba li da napomenam deka i nas novinarte Vale preku svojot angažman ne napravi gordi, zatoa što retko koj od našata branša se odvažil da napiše kniga, a pri toa da ne e kniževnik odnosno pisatel. No, koga umeete taka emotivno i slikovito živo da prenesete odredena percepcija i seќavanje na edna ličnost, togaš definitvno imate ne samo pravo tuku i obvrska da se potpišete pod knigata što ќe go začuva seќavanjeto na golemiot Janko Uzunov.

Posebno ubavo intimna promocija

Na promocijata bea prisutni ličnosti i kolegi na Janko so koi za vreme na svojot život rabotel i sorabotuval. Za nego evociraa spomeni i direktorot na proslaveniot “Goce Fest”, Pece Zdravkovski koj se potseti na zaedničkite prekuokenski turnei so Uzunov no i na negovite festivalski triumfi i posedovatelni tri pobedi na “Goce fest” koi ostanaa zapameteni za navek.

Biba Krnčeska vo društvo na Žaklina Kolovska Uzunova i Pece Zdravkovski

Blaže Marotov isto taka se potseti na zaedničkite muziciranja so Uzunov, istaknuvajki go negovot kolegijalen i pedagoški sens, naglasuvajќi deka se pomalku ima estradni ličnosti koi neusileno tvorat i davaat ličen pečat na delata.

Biba so avtorkata Valentina Gjorgjiovska Pargo

Interesno beše i prisustvoto na mladiot virtuoz na harmonika Aleksandar Kolovski koj beše vo društvo na negoviot tatko Branko, zaedno so soprugata i sinčeto. Prisuten beše i poetot gospodinot Jovan Mazganski koj voedno gi osmislil tehničkite rešenija za knigata, kako i cenetite kolegi novinari od televiziite “Sonce’, od TV “Alfa”, od redakciite na “Muzika 24” od “Nova Makedonija” i “Zona radio”… So eden zbor mala no odbrana ekipa koja uživaše vo srdečno bliskata sredba, polna so iskrena emocija.

Novinarite i muzičarite zaedno

Ona što osobeno bi go istaknala beše uvažuvanjeto na koleškata Vale sprema site gosti, poedinečnoto predstavuvanje i blagodarnosta za prisustvoto kako i domaќinskiot odnos na soprugata Žaki koja gi prečeka prisutnite so domašni kolači specijalno napraveni za ovoj povod, za rodendenot na Janko od nea i presno doneseni od Berovo. Taa so dežurna nasmevka se seќavaše na golemata ljubov što ja delela so Janko, pa veti deka možebi vo idnina ќe ima ušte edna kniga vo koja ќe progovori za nivnata vonseriska ljubov.

Inaku knigata ima okolu stotina stranici. Podelena e na 47 raskazi i ilustrirana so fotografii od semejnite albumi.

Site prisutni uživaa na promocijata

Prvoto izdanie e pečateno vo tiraž od stotina primeroci finansirano od soprugata Žaklina, no so ogled na interesot što vednaš zavladea za knigata, kako i želbata na našite iselenici da ja kupat, sigurni sme deka ќe sledi nov tiraž i dopolnitelno pečatenje, pa vo toj kontekst site zainteresirani bi gi upatile da ja kontaktiraat soprugata Žaklina Uzunova kako bi dobile smernici kade može da ja nabavat knigata.

Da se nadevame deka i Ministerstvoto za kultura ќe najde način da go poddrži dopolnitelnoto pečatenje na ovaa kniga i deka ќe participira vo nejzinata pomasovna dostapnost.


Biba KRNČESKA


POSTAVI ODGOVOR

Please enter your comment!
Please enter your name here
Pre slanja komentara molimo Vas da pročitate sledeća pravila