Nedela… prazničen den Vasilica… praznično raspoloženie i posebno ubav ambient dopolnet so muzičkata magija spakuvana vo prvenecot na Gabriela Novevska, nasloven po numerata “Te kazuvajet, Ilino mome”. Album za gordost i respekt ne samo na Gabriela Novevska, tuku i na timot, odnosno sorabotnicite koi se birani so golema umešnost preku nivniot isklučitelen muzički potencijal, a najmnogu na čest na našata Makedonija, koja so ovoj album može da zastani dostoinstveno pred cel svet, predstavuvajќi go svojot identitet i da ja pokaže makedonskata vekovna posebnost, tradicijata, običaiite, estetikata.
Za ovoj album dobiv oficijalna pokana minatiot mesec koga beše i gala promoviran vo Skopje i navistina žalam što ne bev vo možnost da uživam vo ambientalnosta na živata interpetacija na pesnite koi se tolku posebni i tolku ubavo aranžmanski spakuvani so bogat instrumental i vokalna perfektna izvedba.
Site osum pesni imaat različna tematika i različen senzibiltet, koj mnogu suptilno ja oslikuva makedonskata duša no i mentalitet što niz vekovite mnogu malku se promenil…Gabriela Novevska so ovoj album napravila svoeviden presek na pesni koi ne se taka često muzički eksploatirani, ama zatoa go imaat avtentičniot pečat na golemiot Sarievski. Vsušnost ovoj album e posveten na 100 godišninata od ragjanjeto na Aleksandar Saraievski i e poddržan od Ministerstvoto za kultura i Grad Skopje.
Pesnite imaat podolga minutaža no toa voopšto vo tek na nivnoto preslušuvanje ne se zabeležuva, zatoa što aranžmanite koi se delo na isklučitelno talentiraniot Aleksandar Jovevski se tolku bogati i dinamično raznovidni što čovek ne zabeležuva deka numerate imaat dolga minutaža.
Što se odnesuva do tematikata taa e različna, no pokraj naslovnata (“Te kažuvajet Ilino mome”) koja ima dramatičen uvod i osobeno ubava razvojna linija, mene lično mi se izdvoija i pesnite “Anušo bela crvena” vo koja dominatna e izvedbata na Gabriela i nejzinata maestralna vokalna tehnika, potoa humorističnata “More čičo reče”, kako i “Nevesto lična kaleša”, a sekako i poslednata “Sitni Stojne sitničarke” koja zvuči nekako moderno, a povtorno ima ambientalna izvornost. Ednostavno kažano site osum pesni se izvedeni tolku majstorski i tolku perfektno skockani što običniot slušatel teško može da izberi svoj favorit…
Isto taka interesno e deka gitarskata izvedba e sovršeno vklopena vo etno prizvukot na tradiconalnite pesni, a harmonikata zvuči sosema poinaku od stereotipnata predstava za ovoj instrument, no i site ostanati instrumenti koi melodiski ja soočinuvaat raskošnata dmenzija na pesnite.
Čestitki za celiot tim profesionalci što zastanale pozadi ovoj proekt, a toa se: aranžerot Aleksandar Jovevski koj sviri i pijano na albumot, Zoran Kostadinovski – električna gitara, Goran Gešovski – bas gitara, Darko Ilievski – harmonika, Viktor Filipovski – tapani, Ratko Dautovski- perkusii, Dragan Iliev-električna gitara, Goce Conevski – pridružen vokal, Dace Nikolovski- pridružen vokal i Petar Mehandžiski – pridružen vokal. Albumot e sniman vo studioto na Dejan Momiroski, a fotografiite za omotot se delo na Panajoti Šapkarov.
Sega da kažam i zbor dva za “glavnata”, za vokalot na ova maestralno delo Gabriela Novevska, koja za prv pat ja “otkriv” minatata godina na Valandovskiot Folk Fest koga debitiraše so pesna na Risto Krapovski i vednaš prašav koja e ovaa pejačka so vaka naglasena superiornost vo izvedbata, a pri toa debitira na festivalot ?! Mi beše kažano deka Gabi e vokalot na etno grupata “Monistra” i členka na ansambalot “Tanec”, taka što jasno mi stana deka stanuva zbor za potencijal koj doprva treba da gi istakne svoite možnosti. Iako žiri komisijata na Valandovo nepravedno ja izostana od spisokot na nagradeni Gabi apsolutno ja zaslužuvaše barem nagradata za debitant, no za žal kaj nas nagradite najčesto se delat po nekoj kluč, pa veruvam deka valandovskoto iskustvo nema da ja obeshrabri za povtorno da učestvuva na nekoj festival.
Sleden pat koga me oduševi vokalot na Gabi beše nejznata izvedba so Ansambalot “Tanec” na koncertot posveten na 100 godišninata od ragjanjeto na Vaska Ilieva, koga so svojata interpretacija apsolutno go dolovi senzibilitetot na vokalot na legendarnata Vaska. Bi rekla deka Gabriela Novevska ima posebna umešnost za prilagoduvanje vo interpretacijata na pesnite i nivnata žanrovska različitost, iako nejzina specijalnost očigledno e etno melosot, sepak vokalot so koj raspolaga ja ima prilagodilivost koja ja vidovme i vo Valandovo.
Čestitki za prvenecot do Gabriela Novevska pred se, a potoa i do Ministerstvoto za kultura što poddržalo vistinski proekt koj ostanuva kako svoeviden suvenir na Makedonija.
Biba KRNČESKA
