I dodeka vo drugite gradovi nema traga od novogodišnoto ukrasuvanje i svečeniot ambient, Kriva Palanka veќe blesna vo ambientalnosta na prazničnoto čekanje na Novata 2024 godina…
Ovaa godina nema potreba od prašanjeto koj e najubavo novogodišno ukrasen grad vo Makedonija! Veḱe treta godina po red, krunata ja nosi Kriva Palanka, grad, koj gi navikna na ubavina ne samo žitelite od državava, tuku i žitelite od Bugarija i Srbija koi ja posetuvaat. Veḱe se znae deka novogodišnite fotografii za spomen se pravat tokmu ovde.
Ako izminatite godini se zboruvaše za najubavo ukrasen ploštad, ovaa godina so gordost može da se kaže deka novogodišno blesna celiot grad.
– Koga se šetame niz grad imame čuvstvo deka se šetame niz nekoja svetska metropola. Tolku e ubavo ukrasen. Cel grad e nakiten, vlez, izlez, glavnata ulica, parkot i ploštadot. Preubavo e. Ovaa godina e ušte poubav od lani i preklani. Osven glavnoto obležje-elkata, standardnite kuḱički, novogodišni ukrasi, bleska kade i da se svrtiš, se falat krivopalančani.
Za da se osmilsi vakvata ubavina e potrebna ideja, ne e se do parite, naprotiv i so pomalku sredstva celtta može da se postigne. Sepak neizbežna e temata kolku čini ova zadovolstvo:
-Ovaa godina odlučivme da go nakitime celiot grad, ne samo ploštadot. Del od ukrasite se veḱe postoečki, no sekako kupivme i novi za da možeme da go ukrasime cel grad. Ima kuḱički, za čie iznajmuvanje veḱe e objaven oglas, denovive ḱe počne i novogodišniot bazar. Dve godini gradot go krasevme so donacii, a ovaa godina novogodišnoto ukrasuvanje e samo so sredstva od opštinata. Izdvoivme milion i pol denari od budžet na opštinata, veli gradonačalnikot Sašo Mitovski.
No, ovie pari, sekako ne se potrošeni samo za ukrasite, del od ovie pari ḱe bidat potrošeni za novogodišniot bazar, za novogodišnata muzička programa i za deca i za vozrazni.
-Sekako deka ḱe ima zabava i za vozrasnite, no ovaa godina rešivme akcentot da go dademe na najmalite, što znači deka najgolem del od planiranite zabavi ḱe bidat posveteni na decata. Za nekolku dena ḱe se znae koj ḱe bide zadolžen za novogodišnite žurki. Zasega nemame vo plan da organizirame doček na Nova Godina na ploštad, žurkite ḱe traat do 31 dekemvri, dodava Mitovski.
Treta godina po red Kriva Palanka e magnet za žitelite od ostanatite gradovi za tradicionalnoto novogodišno uživanje. Ako do skoro toj primat go imaše Skopje, toa veḱe ne e taka.
-So lugje i prijateli što ne sme se videle odamna, godinive se gledame prednovogodišno vo Kriva Palanka. I drago ni e što tokmu našiot grad vo ovoj period e broj eden mesto za prošetka. Niz godinite i nie i tie odevme vo Skopje da se slikame pod elka i so dedo Mraz, a veḱe treta godina site doagjaat kaj nas za slikanje. Interesno e što navečer, pa i preku den koga ḱe izlezeme da se prošetame niz ulicite sreḱavame lugje od drugi gradovi i državi. Nema koj od nas ne se fali so ubavo ukraseniot grad, osobeno što mesto da odat vo Skopje, tie doagjaat kaj nas. Pa i za falenje e. Ovaa godina vo Kriva Palanka se slučija mnogu ubavi nastani koi gi privlekoa lugjeto da dojdat da ni go vidat gradot, a novogodišnava bajka e bajka za Sreḱna Nova Godina, velat krivopalančani.
Biba KRNČESKA
