Ni prekrasnoto proletno vreme koe ovoj Mart go donese vo poln sjaj nemože da ja ublaži panikata koja se poveќe se širi megju naselenieto kako vo Evropa taka i na Balkanot, a vo poslednite denovi i vo Makedonija zaradi virusot Korona koj zema se pogolem zamaf.
Italija e veќe paralizirana kako država koja e označena kako krizno podračje, a mnogu turisti koi ja posetija ova zemja virusot go prenesoa i vo svoite zemji.
Za žal i ovoj pat Makedonija se izdvoi kako zemja vo koja etičkite principi ne gi počituvaat prvin tie koi treba da se grižat za zdravjeto na svoite gragjani, pa taka virusot go raširi tokmu medicinsko lice odnosno direktorkata na Klinikata za kožni bolesti Dr.Nina Caca Biljanovska koja bila na skijanje vo Italija, a koga se vratila nemesto da se samoizolira taa prodolžila aktivno da odi na rabota i so toa go ugrozila zdravjeto kako na kolegite taka i na pacientite. Nejzinata nesovesna postapka ja osudi cela nacija no kako što velat angličanite “the damage is done” pa sega preostanuva da se prevzemat site drugi merki kako bi se sprečilo rapidnoto širenje na ovoj opasen virus.
Za taa cel ministerot za zdravstvo Dr. Venko Filipče predloži novi merki za zaštita vo koi spagja i zabrana na site javni i privatni sobiri bez razlika na brojkata na učesnici, a voedno rabotnoto vreme na ugostitelskite objekti se skrati do 18 časot so prepoloven kapacitet odnosno masite i stolčinjata se naloži da se postavuvaat na distanca od 1,5 do 2 metri pomegju gostite. Predloženo e site kino sali, teatri, obložuvalnici i kazina da se zatvorat, a site hronični pacineti za intervencija da se odložat vo interes na itnite slučai.
Sledejќi gi preporakite od Ministerstvoto za zdravstvo mnogu institucii, umetnički soveti, organizatorski grupi i poedinci gi premestija datumite na veќe najavenite kulturni slučuvanja pa taka održuvanjeto na 23-ot po red “Skopje Film festival” koj trebaše da startuva vo april e odložen za sepetemvri.
Ednen od najvpečatlivite vipovski nastani vo ovoj period od godinata vo Makedonija e i tradicionalniot “Vienski bal” koj sekoja godina go organizira “Združenieto za kulturna sorabotka Johan Štraus” i pokrovitelot Ambasadata na Republika Avstrija, koi ovaa godina pred samoto negovo održuvanje rešija da go odložat i prezakažat za 15 Maj koga i zvanično ќe se održi vo hotelot “Aleksandar Palas”.
I “Mladinskiot Kulturen Centar” kako i kinoto “Milenium” gi odložija svoite aktivnosti soglasno preporakite od Vladata, a svojot veќe najaven jubileen koncert go odloži i poznatata operska pevica Vesna Ginovska Ilkova.
Detskiot festival “Potočinja” koj trebaše da se održi na 21 i 22 mart vo “Nacionalnata Opera i Balet” isto taka e se odložuva za nekoe drugo pobezbedno vreme, a dečinjata vo predstojniot period ne ќe možat da ja posetuvaat ni zološkata gradina koja isto taka ќe bide zatvorena poradi preventivni bezbednosni merki.
So eden zbor virusot ja paralizira kulturata, a voedno se zakanuva i na sekojdnevnoto funkcioniranje na državata. Merkite koi se prevzemaat ukažuvaat na serioznosta na situacijata, a gragjanstvoto poželno e da gi počituva ovie preporaki koi se vo interes na zdravjeto na celata nacijata.
Biljana KRNČESKA
