Edinaesetoto izdanie na proslaveniot festival na šegobijnata pesna “Tumba Fest” 2023, sinoќa vo Kumanovo gi osvoi našite simpatii i ne uveri deka kritikata koga e usvoena sekogaš dava pozitivni rezultati. Deka e toa taka vidovme na lice mesto ušte koga začekorivme na gradskiot ploštad kade godinava se održuvaše festivalot, a ne dočeka impozantna bina so ubavo osvetluvanje i ozvučuvanje, a pri toa se mislelo i na publikata za koja imaše namenski stolčinja, pa show programot možeše komforno da se sledi. Imavme ubav doček i od samite organizatori Združenieto “Etno Riznica” odnosno pretsedatelot Dragan Jakim no i od negovata šarmatna sopruga Slađana, koja srdečno gi dočekuvaše gostite od drugite gradovi.
Ubavata atmosvera ja zagrea muzikata so otpočnuvanje na pesnite koi imaa jasen zvuk, odlična produkcija i bea isklučitelno melodični, dinamični, priemčivi i veseli, pa prosto neblagodarno e da se izdvojuvaat zatoa što bea poln pogodok. I ne samo pesnite, ami i izborot na pejači, neobični spojki i kombinacii koi vnesoa apsolutna orginalnost, isto kako i scenskoto osmisluvanje na točkite koe pridonese dopolnitelna razdraganost megju publikata. So eden zbor prekrasen show program, koj go držeše apsolutno vnimanieto poveќe od dva časa.
Osven organizatorite mora da napomeneme deka pofalba zaslužuvaat i gradskite vlasti na Kumanovo koi očigledno go održaa lanskoto vetuvanje pa finansiski go poddržaa festivalot, no sepak ličnoto prisusvo na gradonačalnikot Maksim i godinava izostana, pa glavniot zbor povtorno go imaše pretsedatelkata na Sovet na Opština Kumanovo, Ivana Gjorgjievska. Taa imaše čest da gi dodeli i nagradite za životno delo na doajenite Krume Spasovski i Atina Apostolava, koja posle dolgi godini i zdravstevno oporavuvanje napravi kambek so pesna tokmu na “Tumba Fest”. Laureatite apsolutno zasluženo bea izdvoeni, iako Krume se pošeguva koga ja primi nagradata deka vakvite nagradi najčesto gi dobivaat onie koi se “pozdravuvaat” so karierata, sepak nie ne go delime toj vpečatok zatoa što negoviot glas i drženje seušte se neprikosnoveni na scenata.
Nagradata za najslušana pesna pomegju dva festivala i pripadna na kompozicijata “Lenče i Zone” što minatata godina ja otepa atraktivnata prilepčanka Elena Velevska, a ja napiša Goran Trajkovski umetničkiot direktor na Tumba Fest. Iako možebi postoi sudir na interesi koga e vo prašanje dodeluvanje na nagrada na umetnički direktor na festivalot, sepak pesnata raka na srce zaslužuva priznanie, zatoa što mošne avtentično go oslikala zvukot na podnebjeto, a Velevska uspeala dopolnitelo toa prirodno da go prenese.
Što se odnesuva do godinešnite izveduvači kako što naglasiv nemam zabeleška apsolutno ni edna, naprotiv, imam silni pofalbi na račun na orginalnite kombinacii koi gi vidovme i čuvme. Taka za prv pat vidovme dva kompozitori koi nastapija kako pejači vo tandem so mladata Ani, pa na scenata se “dokažuvaa” na prilepski i skopski način, temperamentniot Bato – Goran Milošeski i zavodliviot Jhonny – Jovica Kočkovski. Tie so temata “Švalerska rapsodija” komponirana tokmu od niv dvajcata na tekst od Ognen Nedelkovski ja osvoija publikata od prva, a za toa zasluga imaše i scenskiot nastap vo koj dominiraše dosetlivosta na prilepčanecot i negovoto dodvoruvanje so tutun i banani.
Ubava pesna imaše i mladiot debitant Mario Petruševski koj doagja od Švedska i e golem muzički potencijal. Veseliot Mario ja izvede šegobijnata pesna “Šoferska tuga” koja kako što doznavme ja posvetil na svojot tatko, iako so nego pokraj tatko mu beše i celoto negovo ubavo semejstvo koe mu dade apsolutna poddrška. Pesnata e delo na Goran Milošeski i Ognen Nedelkovski, a na harmonika go pridružuvaše maestro Sašo Livrinski. Od mladite debitanti zabeležitelen nastap imaše i Metodija Stoleski so pesnata “Zaljubi se u popovu ќerku”, od avtorite Cane Petrov i Bobi Petkovski, a od veteranite bi go izdvoile Risto Krapovski koj ja otpea svojata kompozicija “Fati me na delo” mošne sugestivno i so gestikulacija uspešno go prenese humorističniot tekst na Bobi Petkovski. Vo interesnite nastapi što skrenaa vnimanie sekako deka spagja i spojot na Igor Angelov od Strumica so atraktivnata kumanovka Irena Lola Petrova, koi ja izvedoa pesnata “Kumanovka i Strumičanec” vetena od minatogodišniot laureat, tekstopisecot Gjorgji Kalajdžiev, a muzički potpišana od Igor Trajkovski. Potoa Liljana Prnarkova za koja može slobodno da rečeme deka e zaštitno lice na “Tumba Fest” zatoa što od tamu i se proslavi. Taa godinava so pesnata “Penzionerka Tinejđerka” gi nasmea site vo publika peejќi za izmešanite standardi na mladite so starite i želbata da se bide aktuelen i atraktiven, a teksot e lično nejzino delo, dodeka muzikata ja potpišuva Jovica Kočkovski. Ubav nastap imaše i Petar Nečovski so temata “Rok babo Rok” za koja sam ja napišal muzikata, a vo aranžmanot mu pomognal Cane Petrov, dodeka tekstot go potpišuva Dragan Pavlovski, a pak negovata koleška, Blagica Pavlovska vooduševi so pesnata “Pukna tikvata” koja može slobodno da ja proglasime za himna na razvedenite. Pesnata e delo na Blagica i Bobi Petkovski, a aranžmanski ja dooblikuval Ljupčo Pavlovski.
Moram da go spomenam i nastapot na gostinot od Vranje, Branimir Stošiќ Kace, koj so svojata melemna interpretacija na temata “Ej u Vranje” na avtorite Igor Trajkovski i Vlasta N. Ceniќ ne razgali i emotivno raznežni, a Kate i “Sonta” od Veles ja potvrdija superiornosta na scenata, dominirajќi so sovršenata interpretacija na “Kumanovska nevesta” od avtorite Cane Petrov i Boban Gjorgjievski. Koga sme kaj emociite nemože da go preskokneme nastapot na Nino Veličkovski, kumanovskiot brend i temata “Tam na korzo kude namu” na avtorite Cane Petrov i Bobi Petkovski, so koja završi festivalot i koja nostalgično ne pogodi i ne potseti deka sepak romantikata e primarna koga stanuva zbor za pesnite i ljubovta.
“Tumba fest” – 2023 ednostavno nemaše loša pesna! Festivalot uspea da go podigni 100% kvalitetot i da go opravda statusot na svojot majtapčiski grad i negovata duhovita tradicija. Sigurna sum deka i gledacite ќe uživaat preku televiziskata snimka što odložno ќe bide emituvana na Makedonskata Televizija, a iskreno posakuvam pesnite da zaživeat i što počesto da bidat prisutni na našite mediumi.
Biba KRNČRSKA
