„Mi zaplakalo seloto Vataša“ e makedonska pesna originalno napišana i izvedena vo 60-te godini. Tekstopisec e Lazar Mančevski – Pindžur, koj inspiracijata ja dobil od masakrot vo Vataša što se slučil za vreme na Vtorata svetska vojna, koga na 16 juni 1943 godina bile zastrelani 12 mladinci od faštističkata vojska. Pesnata ja otpeale poveḱe domašni interpretatori, a originalot e izveden od Nikola Badev vo 1975 godina.
Pesnata povtorno stana aktuelna po izvedbata na Andrijana Janevska i Igor Džambazov na poslednata Zlatna Bubamara na popularnosta, a sega ovoj dvoec vo ramki na proektot „Makedonijo vo srce te nosime“ i ja snimi.
–„Samata ideja za pesnata i spojot so Igor Džambazov beše na Ranko Bubamara i sè započna od nastapot na “Zlatna Bubamara” na popularnosta. Potoa dojde predlogot da bidam del od proektot „Makedonijo vo srce te nosime“. So zadovolstvo prifativ, bidejḱi vo momentov vakvi proekti ì se poveḱe od potrebni na Makedonija, vo vreme koga caruvaat tugji pesni na tugji jazici. Im poračuvam na mladite da ja sakaat, počituvaat i slušaat makedonskata muzika, osobeno izvornata narodna pesna bidejḱi taa e našiot identitet“, veli Andrijana.
Videoto za „Mi zaplakalo seloto Vataša“, za koja ovoj pat aranžmanot go napravi Nikolče Micevski, a vo izvedba na Andrijana i Igor, e so potpisot na “Skenderovski produkcija”, koja stoi zad proektot „Makedonijo vo srce te nosime“ i vo čii ramki se prepeani 12 makedonski pesni. Numerite se izvedeni od 12 izveduvači, i od svetot na zabavnata i od svetot na narodnata muzika, a publikata ušte treba da gi slušne i vidi DNK i Zuica Lazova.
Uživajte vo izvedbata na Igor i Andrijana i očekuvajte go startot na koncertniot karavan koj pod istoto ime „Makedonijo vo srce te nosime“ ḱe gostuva vo nekolku makedonski gradovi
– Da ja oboime Makedonija so najubavite zvuci i da go začuvame najvrednoto – muzičkiot amanet koj ni go ostavile generaciite pred nas…
Biba KRNČESKA
